DEEL 3 - Nuweopenbaring::: Welkom by Die Nuwe Openbaring

Die arbeid van die mens aan sy siel
7153 25 Junie 1958
Niks mag julle daarvan weerhou om te werk aan julle siele nie, want slegs
hy bepaal julle lot in die ewigheid. Niemand kan hierdie arbeid uit julle
hande neem nie, niemand kan dit vir julle verrig nie. Daarom is elke dag
waarin julle nie ‘n klein vooruitgang behaal het vir julle siele nie, ook
verlore; en al is dit maar net ‘n werk van liefde wat julle verrig, dit help tog
julle siele tot volwassenheid.
Elke dag wat slegs julle eieliefde bevredig het, wat slegs vir julle liggaam
voordeel gebring het, is ‘n verlore dag. Want sodra die siel gebrek moet ly,
was so 'n dag vergeefs geleef. En tog sou julle gemaklik vooruit kan gaan,
want daar kom soveel geleenthede voor, wat julle vir julleself tot nut kan
maak, waarin julle die werk aan julle siele sou kan verrig. Geleenthede
waarin julle, julleself sou moet oorwin en stry teen begeertes en ondeugde
van allerlei aard. Geleenthede waarin julle vreugde kan bring deur goed te
doen, deur vriendelike woorde of deur hulpverlening, wat steeds vir julle
siele ‘n geestelike voordeel oplewer. Steeds weer word julle geleentheid
gegee waarin julle met julle God en Vader ook innige tweegesprekke sou
kan hou, om daaruit seën te verkry vir julle siele. Altyd weer kan julle die
Woord van God aanhoor of lees en deur die aanspreek van God ‘n
besondere hulp aan julle siele ten deel laat val, omdat julle nou die siel
geestelike voedsel aanbied, waardeur hy in staat is om homself verder te
voltooi.
En al is die dae vir julle aardse gewin nog hoe suksesvol, het ‘n klein goeie
daad 'n veel hoër waarde, want dit is ‘n verryking vir julle siele wat hy vir
ewig nie meer kan verloor nie. Wat die liggaam egter ontvang, is nie
permanent nie, dit is maar geleende goed, wat elke dag weer van die
liggaam afgeneem kan word.
En daarom kan julle ook julle siele skade aandoen deur hom te belas met
sonde, wanneer julle lewenswandel nie in orde is nie en julle aan die reeds
bestaande oersonde nog baie ander sondes toevoeg, wat slegs die siel
eenmaal moet verantwoord, omdat hy onverganklik is. Daarom moet julle
nie so onnadenkend van die een dag na die ander lewe nie. Julle moet goed
weet wat julle doen en julle moet daarop let om meer ag te slaan op julle
siele as op julle aardse liggaam. Want die siel is julle eintlike Ek, wat die
weg oor die aarde moet aflê, met die doel om volwasse te word; ten
dienste van sy vervolmaking, wat hy slegs op aarde kan bereik. Maar dit
vereis ook julle wil, wat juis hierin bestaan, om bewustelik te stry teen
allerlei swakhede en gebreke.
En as die mens nou volmaak wil word, dan moet hy vir homself ook krag
vra om volgens God se Wil te lewe, dit wil sê, dade van liefde te verrig. En
hierdie krag sal hom dan ook verseker geskenk word. Hy moet ‘n
bewustelike lewe lei, steeds met die doel om die nog onvolmaakte wese tot
125