DEEL 3 - Nuweopenbaring::: Welkom by Die Nuwe Openbaring

geluksaligheid in die geesteryk uitmaak. En dan sal julle ewig lewe, julle sal
geen dood meer ken nie, geen sonde, geen smet, julle sal rein en suiwer
wees en dus ook My nabyheid waardig wees en julle sal My kan aanskou
van Aangesig tot Aangesig. Want julle sal julle Heiland Jesus sien in wie Ek
Myself vir My skepsele sigbaar gemaak het, soos dit eens hulle verlange
was.
Selfvorming tot liefde sal julle mense op aarde tot stand moet bring, as
julle eendag onmeetlik geluksalig wil wees. Maar sorg eers dat julle vry van
julle sondelas word, want dit trek julle na benede, in die diepte en belas
met sonde is julle toegang tot die ligryk ontsê. En wanneer dit moeilik is
om in Jesus te glo, trag dan om te bid tot julle God en Skepper, wat julle in
die lewe geroep het en vra Hom dat Hy julle verligting mag besorg, dat Hy
julle mag help om te glo.
En Ek sal die versoek waarlik vervul, Ek sal diegene nie in onwetendheid
laat wat begeer om te weet nie en Ek sal hom die waarheid so voorhou, dat
hy dit sal aanneem, want die geloof in Jesus as God se Seun en verlosser
van die wêreld is absoluut noodsaaklik om opgeneem te word in die ryk van
vrede en geluksaligheid.
Dan eers erken julle My ook, wat julle eens nie wou erken nie, van wie
julle, julleself vrywillig afgeskei het en in die diepte gestort het. Julle sal
nou vrywillig na My moet terugverlang en julle gee blyke van hierdie wil,
wanneer julle, julleself tot Jesus wend en aan Hom julle sondeskuld beken
met die versoek om vergewing. Dan is die sonde julle vergewe, Ek Self
spreek julle daarvan vry, wat in die mens Jesus vir julle die verlossingswerk
volbring het en Ek help julle ook dat julle nog op aarde tot volwassenheid
kom, wanneer dit maar julle wil is, dat julle, julleself met My verenig, dat
julle vrywillig weer na My terugkeer en julle weer so sal omvorm soos julle
was in die allereerste begin. Amen
Die bestaan van God mag ons nie bewys word nie
7665 4 Augustus 1960
Die krag van My liefde stroom alle menseharte binne, wanneer hulle hulself
bereidwillig open om dit te ontvang. En My liefdeskrag bewerkstellig dat die
geesvonk in die mens ontvlam en dan as vlam Myself, as die Vadergees van
ewigheid tegemoet kom. Dan is die weg tot My vry, dit is gebaan, alleen
deur die wil om deur My en My liefdeskrag bestraal te word. Wie hom
positief instel op My, wie in My glo en kontak wil hê met My, die ontvang
ook My Goddelike liefdeskrag en dan gaan hy vooruit in sy ontwikkeling.
Dus moet die mens reeds glo in ‘n God en Skepper en homself ook sien as
My skepsel. Dan eers kan die verlange in hom wakker word om met My in
verbinding te tree en dan sal hy oopmaak, dus bereid wees om hom deur
My Liefdeskrag te laat bestraal. Alleen hierdie bereidwilligheid is daarvoor
nodig dat dit ook gebeur.
329