DEEL 3 - Nuweopenbaring::: Welkom by Die Nuwe Openbaring

Maar as julle nie glo dat julle siele na julle liggaamlike dood sal lewe nie,
dan is julle in groot nood. Niemand kan My verhinder om uit te voer wat
deur Woord en Geskrif verkondig is nie.
Die tyd is vervul en elke dag is ’n genade geskenk, wat julle kan gebruik na
julle wil. Sit julle hoop nie op valse profete nie, wat die einde ontken en glo
dat hulle My kan oorreed om dit te verander. Sulkes spreek nie in My Naam
nie maar is instrumente van hom wat julle in geestelike duisternis wil hou
en mense sal maak glo dat hulle onbeperkte tyd het. Die mense sal hulle
eerder glo as om aan hul eie siele te dink.
Dit sal plaasvind soos gesê is. Ek Self sal in die wolke kom om Myne te kom
haal alvorens die vernietiging van die aarde begin. Daar sal nie één steen
op ‘n andere bly nie, omdat die aarde hernu moet word. ‘n nuwe aarde sal
verrys, ‘n Hemelse skepping, wat alle onvolwasse geestelike substansie sal
opneem. Wat met die vernietiging van hierdie ou aarde vry gestel word
moet verander word om hul rypwording voort te sit. Hierdie nuwe aarde sal
bewoon word deur diegene wie aan My tot die einde trou gebly het. Maar
hulle wat die graad van volwassenheid bereik het wat hulle toelaat om in
die Koningkryk van Lig in te gaan sal in die Hemelse paradys lewe, wat vir
hulle waarlik ‘n salige staat sal wees as hulle in My geestelike Koningkryk
ingaan, vry van hul fisiese liggame.
Hulle op die nuwe aarde sal My as voorouers van die nuwe menslike geslag
dien. ‘n Nuwe verlossings-periode kan slegs met geestelik volwasse mense
begin wat al die gebonde geestelike sal help om vinniger volwasse te word.
Hulle sal so dig met My verenigd wees dat hulle hul kinders en kindskinders
in liefde sal opvoed en getuig van die Grootsheid van hul Skepper en God.
Die transformasie van die buitevorme sal baie vinniger plaasvind, omdat Ek
Self onder hulle sal wees in Jesus Christus. Die mense wat dan op die aarde
sal woon sal met die kennis van hul oorspronklike sonde, hulle bewus aan
hul Goddelike Verlosser Jesus toevertrou, omdat hulle weerstand gebreek
is, sal hulle gewillig terugkeer na My. Hulle groot liefde vir My vergun My
om onder hulle te woon.
Dit sal die millenniumkoninkryk wees, waar die oorwinnig oor Satan
duidelik sal wees, wanneer hy niemand kan verontrus nie omdat hulle hul
totaal van hom bevry het en hulle terugkeer na My voltooi is. Satan het
geen ingang na hulle ryk nie tot dat hierdie salige tyd stadig begin
verander, soos mense weer ‘n begeerte na materiële goed begin kry en My
teenstander wat die heerser oor die materiële aarde is sal van sy kettings
losgemaak word en sy invloed op aarde sal weer duidelik word.
Maar voor hierdie tyd sal baie siele in My Koningkryk ingekom het. Ek sal
weer ‘n goeie oes hê, maar dan begin die stryd weer met My teenstander
om die siele. Ek sal egter oorwin. Weer en weer sal Ek siele van hom
ontruk. Sy aanhangers in wie hy sy krag sien sal Ek verminder. Ek sal dit
wat Myne is nooit opgee nie, selfs as dit ewighede verg. Één dag sal almal
na My terugkeer en een met My wees vir ewig. Amen
505