DEEL 3 - Nuweopenbaring::: Welkom by Die Nuwe Openbaring

lewe genoem kan word, of dat julle sonder lig en magteloos sal wees, wat
dieselfde is as die dood, want julle besef dat julle bestaan en daarom ly
julle smartlike pyn. Maar dit sal nooit gebeur dat julle heeltemal vergaan
of, dat julle nie meer van julle bestaan weet nie. En omdat julle nou
eenmaal bly bestaan, moet julle probeer om dit gelukkig te maak, terwyl
julle as mens op hierdie aarde vertoef, wat julle lot in die ryk hierna bepaal
volgens julle eie wil. Julle het dit in julle hande volgens julle lewenswandel
wat julle op hierdie aarde lei. Is dit ‘n lewe in onbaatsigtige naasteliefde,
dan kan julle ook seker wees dat vir julle ‘n geluksalig lot wag. Leef julle
egter maar vir julle eie "ek" en ontbreek dit julle aan liefde tot die naaste
en dus ook tot God, dan kan julle ook met sekerheid ‘n smartlike toestand
verwag en arm en ongelukkig wees, omdat dit julle ontbreek aan lig, krag
en vryheid, wat julle dan as ‘n onuitspreeklike kwelling ondervind.
Dat julle mense op aarde so min geloof heg aan ‘n lewe hierna, het ook sy
invloed op julle lewenswandel. Julle handel onverantwoordelik teenoor julle
siele omdat julle nie glo dat julle bly bestaan wanneer julle liggaam sterf
nie. En julle glo nie dat die siel julle eintlike "ek" is en dat hy alles net so
ervaar soos in die aardse lewe nie. Dat hy na geluk en lig verlang en dat dit
hom bitter berou wanneer hy eens ‘n bietjie lig en insig verwerf het,
waardeur hy sy eintlike aardse opdrag insien en terugkyk met die bitterste
verwyt omdat hy dit nie vervul het nie. Terwyl die siele wat die ligsfeer mag
ingaan lof en dank sing en vol van krag en in vryheid werksaam is tot hul
eie geluksaligheid.
Die siel vergaan dus nie. Maar in watter gesteldheid die siel sy bestaan
ervaar beslis julleself op hierdie aarde. Want hierdie tyd is aan julle gegee
vir die verbetering van julle siele, wat in die begin van julle menswording
nog baie gebrekkig is. En daarom moet julle aan julle siele arbei, om vir
julle’n ware onverganklik lewe te besorg, sodat julle eenmaal in vryheid die
ryk van lig kan ingaan waar julle volgens die volwassenheid van julle siele
kan werk, wat in verskillende grade moontlik is, maar slegs lewe genoem
kan word wanneer die siel die ligryk mag betree.
Die siel kan egter ook aan die einde van sy aardse lewe net so gebrekkig
wees as in die begin. Ja, hulle kan selfs nog meer verduister word en dan is
sy toestand die van die dood. Dan het hy sy lewe op aarde misbruik hy het
die genade van sy beliggaming nie benut nie maar sal nie vergaan nie. En
dit is ‘n baie treurige en beklaenswaardige toestand, wat sy eie skuld is,
want alleen die wil van die mens is beslissend vir die lot van die siel en
hierdie wil is vry.
As die mense tog maar wil glo dat daar ’n lewe na die dood is, dan sou
hulle meer bewus van hul verantwoordelikheid lewe en hulle inspan om uit
die diepste diepte op te styg. Maar niemand kan gedwing word om te glo
nie, dog elkeen word gehelp om tot geloof te kom. Amen
203