DEEL 3 - Nuweopenbaring::: Welkom by Die Nuwe Openbaring

wees-van-My ‘n staat van die grootste armsaligheid beteken. Die kennis
daaroor probeer Ek nou vir julle mense te laat begryp, want julle is daardie
gevalle geeste wat julleself op die weg terug na My bevind en nie te ver
van die doel af aangekom het nie. Julle eens volmaakte wese het julle
verander en julle het onvolmaak geword. Ook as mens is julle nog
onvolmaakte skepsele, maar julle sal in die aardse lewe volmaak kan word,
wanneer julle slegs My Wil vervul, wanneer julle, julleself skik volgens My
wet van die goddelike ordening, wanneer julle ‘n lewe in liefde lei en julle
wese weer heeltemal verander tot liefde netsoos dit in die allereerste begin
was.
Die liefde verenig julle weer met My, maar julle sal dit vrywillig van My in
ontvangs moet neem. Julle sal julle nie mag verweer wanneer My Liefde
julle weer wil bestraal nie, julle sal alles moet doen om die doel van julle
lewe op aarde te vervul wat slegs daarin bestaan dat julle, julle wil weer na
My rig; dat julle, julleself aan My oorgee en in liefde daarna streef om by
My te wees. Dan word aan julle ook ‘n dieper kennis ontsluit en die
duisternis wyk van julle, julle verkry helder insig, julle begryp elke
samehang en julle tree na buite uit die staat van armsaligheid, julle verbind
julle met My en vind in hierdie verbintenis weer die vroeëre geluksaligheid
wat julle vrywillig mee weggedoen het, wat egter ‘n deel is in elke wese wat
eens van My uitgegaan het as ‘n stralende beeld van Myself, tot dit wat
julle ook onherroeplik weer sal word, omdat dit My doel was en sal bly by
die skepping: Om kinders vir My te vorm wat saam met My kan skep en
werk in die hoogste geluksaligheid. Amen
Die werking van die gees in die mens - Lig
7798 15 Januarie 1961
Julle kan in die diepste geheime deurdring as julle toelaat dat My Gees in
julle werk. Julle sal dit nie kan begryp, solank julle nog aards stoflik dink
nie, solank julle maar net julle sinne op die ryk van die wêreld rig en julle
geen verbinding met die geesteryk soek nie. Die "werksaamheid van My
Gees" sal vir julle onbegryplik wees, solank julle nog nie met My, julle God
en Vader in verbinding staan nie, omdat julle dan ook nog nie in die liefde
leef nie, wat die voorwaarde is om ‘n verbinding met My te verkry en dus
ook van die in julle sluimerende geestesvonk van die Vadergees van die
Ewigheid.
Sonder liefde kan julle geen begrip hê vir die werk van My Gees nie en
daarom sal julle ook nooit sonder liefde daarna strewe nie. Laat julle mense
egter die liefde in julle ontbrand, dan wek julle ook die gees in julle tot
lewe. Julle bring dan die verbinding met die Vadergees van die Ewigheid tot
stand, wat Self Liefde is en Hy werk dan deur julle geestesvonk op julle in.
Julle laat dan die werksaamheid van My Gees in julle toe en julle sal waarlik
groot kennis op geestelike gebied ontvang. Daar word vir julle ‘n kennis
378