DEEL 3 - Nuweopenbaring::: Welkom by Die Nuwe Openbaring

Daarom kan julle altyd julleself deur hul liefde gedra voel terwyl julle, julle
verbintenis met My in stand hou, wat hul onbeperkte aktiwiteit toelaat. En
julle kan ook geestelik met hulle kontak maak; julle kan julle probleme aan
hulle opdra en om hul beskerming vra, wat hulle baie graag aan julle sal
verleen. Julle moet julleself aan alle goeie geestelike wesens toevertrou en
alle slegte geeste weghou. Om die rede kan julle die goeie kragte om
beskerming teen die bose magte vra en hulle sal ‘n skans om julle vorm en
sal toegang aan laasgenoemde weier. Julle word elke oomblik omring deur
geestelike magte, deur hulle wat goed bedoel en die wat probeer om julle
skade te berokken en ook deur hulle wat swak en oningelig is en
aangetrokke tot julle nabyheid voel, omdat hulle julle lig sien en daarna
streef, aangesien hulself nie lig het nie.
En in die geval moet julle die goeie kragte vra om hulle te help, te onderrig
en te lei en te beskerm teen die toegang van bose magte wat probeer om
hulle te beïnvloed. Julle moet slegs altyd rein en opreg wil handel en hulp
vra om hetsy in aardse of geestelike moeilikhede dit te kan doen, want die
ligwesens is altyd bereid om hulle namens My te help wat Myne wil wees en
innige kontak maak met My in gebed. Daarom kan julle altyd julle gedagtes
na die geestelike koninkryk stuur en julle sal altyd ‘n antwoord van daar
ontvang, wat julle geestelik aanvaar en so ook van ‘n “ lewe in en met God”
kan praat.
Moet My net nie uit julle gedagtes sluit nie. Want Ek wil julle begin en julle
einde wees, julle moet julle dag met My begin en eindig en dan sal alle
engele waarlik vir julle sorg, hulle sal julle met raad en praktiese hulp
bystaan, want hulle het My lief en is ook vol liefde vir julle en daarom sal
hulle altyd net My wil volbring. Maar julle kan enige tyd My wil na julle laat
neig en julle sal dan ‘n salige lewe op aarde lei, want dan sal julle onder My
voortdurende beskerming lewe, aangesien julle deur al My engele op julle
lewensweg beskerm sal word en hulle sal julle beskerm teen alle magte wat
julle leed wil aandoen. Amen
Die siel sal oes wat hy gesaai het
7656 26 Julie 1960
Julle mag julle nie aan die bedrieglike gedagtes oorgee dat julle vir julleself
skatte kan versamel vir julle aardse lewe nie, want julle sal dit weer baie
vinniger verloor as wat julle dit verwerf het. Ek waarsku julle daarteen om
na aardse goedere te strewe en julle hart daaraan te heg, want Ek bewys
julle steeds weer hoe verganklik alles is wat aan die wêreld behoort.
Hoeveel tyd en moeite het julle bestee om die skatte van die wêreld te
versamel; en hoe selde dink julle daaraan dat julle dit nie kan behou nie en
dit weer sal moet teruggee. Dat dit ook op een of ander wyse van julle
afgeneem kan word, as dit volgens My Wil is.
326