DEEL 3 - Nuweopenbaring::: Welkom by Die Nuwe Openbaring

eliggaming as mens nie benut en julle siele tot sy uiteindelike voltooiing
bring nie.
En al bereik julle ‘n hoë leeftyd, julle aardse lewe is tog maar kort in
vegelyking met die tyd van julle voorafgaande ontwikkeling. Desondanks is
ook ‘n kort leeftyd op aarde voldoende om julle doel op die aarde te
verwesenlik. Dus is julle volwassenheid nie afhanklik van die duur van die
lewe op aarde nie, maar alleen van julle wil om julle bestaan volgens sy
bedoeling te benut.
En steeds weer word julle deur die woord van God die ware weg gewys om
die voltooiing van julle siele te bereik. Steeds weer word julle die Godelike
gebooie van die liefde voor oë gehou, waarvan die nalewe die enigste doel
van die menslike bestaan is, want die liefde kan julle altyd beoefen. Julle
siele sal daar voordeel uit trek as julle ‘n lewe in liefde lei. Hou julle egter
hierdie twee gebooie nie dan is julle lewe nutteloos en julle verantwoording
des te groter hoe langer julle aardse lewe duur. Dan kan julle slegs
dankbaar wees as julle lewe verkort word en die moontlikheid nog oorbly
van ‘n verdere ontwikkeling in die ryk hierna, sodat julle nie heeltemal
verlore gaan in die einde van die tyd nie, waar elkeen na sy werk geoordeel
sal word. Amen
God se sorg vir die mens
7540 6 Maart 1960
Soek eers die Ryk van God, want dit is die opdrag van julle aardse lewe;
om met My en My Ryk in kontak te kom, sodat die Ryk julle eens weer kan
opneem wanneer julle die aarde sal verlaat. Dit is ook julle enigste opdrag,
omdat al die ander hulle dan vanself sal reël, wanneer julle die moeite sal
doen om aan hierdie opdrag te voldoen.
Julle is in hierdie materiële wêreld geplaas om die geesteryk in hierdie
aardse wêreld te soek. Maar daar is ook ‘n heerlike belofte aan julle gegee;
dat julle ook in hierdie wêreld staande sal kan bly, as julle hierdie
verpligting gewoonweg vervul, naamlik om eers die Ryk van God te soek.
Daar is aan julle as’t ware ‘n beloning deur My toegesê, net dit moes julle
al aangespoor het om aan My dringende versoek aan julle gehoor te gee.
Want die stryd om te bestaan, die sorg vir julle aardse lewe, word as te
ware deur My belofte vir julle bespaar.
Julle hoef maar net sorg te maak oor die heil van julle siele en die sorg vir
julle liggaamlike welsyn sal deur My oorgeneem word en alles sal vir julle
gereël word, wat julle andersins groot inspanning sou gekos het, as julle dit
alles self moes doen. Ek neem vir julle die sorge op My, wat die aardse
lewe van julle eis, sodra julle My voorwaarde nakom, naamlik om eers na
My Ryk en sy geregtigheid te strewe, dit wil sê, as julle, julleself sonder
beperking aan My oorgee.
276