DEEL 3 - Nuweopenbaring::: Welkom by Die Nuwe Openbaring

die kind kan berei. En die vrede kan julle almal bereik wanneer julle ernstig
is om dit te doen, julle harte te suiwer, sodat julle My daarin kan opneem.
Elke angs sal van julle wyk, die onrus sal julle verlaat, swakhede en lyding
sal julle nie ken nie, in krag en duidelikheid sal julle, julle weg gaan omdat
julle nie meer alleen gaan nie, maar voortdurend begelei deur My julle
aardse lewe aflê en dus ook julle vyand, My teenstander julle nie meer in
die noute kan bring nie.
Hy vind in julle geen verborge hoekie meer waar hy ‘n skuilplek kan vind
nie, want in julle hart het dit deur My aanwesigheid so helder geword, dat
hy hom nie meer kan verberg nie, want hy is sku vir lig en vlug nog veel
meer vir My aanwesigheid. Wil julle dus die innerlike vrede bereik, laat dan
alleen maar My in julle hart My intrek neem en reinig dit van alles wat My
die toegang nog sou kon belet. En Ek wil julle met die werk help, sodra Ek
sien dat julle vurig verlang na My aanwesigheid. Dan wil Ek julle die krag
skenk om alles te onderneem om julle harte na waardigheid in orde te
bring, as woonplek vir My en Ek wil daar vol vreugde intrek en vir ewig by
julle bly, want dan verlaat Ek My kind wat hom eenmaal vrywillig aan My
toegewy het, nimmermeer. Amen
Skadelike gevolge van misleide onderrig
7368 20 Mei 1959
Misleide onderrig sal julle mense tot verkeerde gedagtes lei en ‘n verkeerde
leerstelling sal altyd tot verkeerde gevolgtrekkings lei, wat weer tot verdere
verkeerde gedagtes lei. Misleide onderrig kan tereg ‘n sataniese bedrog
genoem word, want die daarop volgende gedagte struktuur sal tot ‘n punt
uitbrei waar dit definitief so onontwarbaar word dat ‘n persoon self nie
meer kop of stert daarvan kan uitmaak nie, gesien dat foute en valsheid
nooit tot lig en helderheid kan lei nie. Daarom moet alle misleide onderrig
uitgedaag word en moet dit van die begin af reggestel word alvorens dit
versprei en die mense se gedagtes verwar. Misleide onderrig kon ook as
sulks herken word as die mens poog om in die waarheid te lewe, omdat hy
dan slegs één maatstaf moet toepas: of die liefde, wysheid en mag van
God in elke leerstelling duidelik is.
As daar die minste twyfel oor die oer aard van God is, wat liefde, wysheid
en mag is, dan is die leerstelling verkeerd. En daar is baie dergelike
leerstellings wat nie die toets vir waarheid slaag nie. Wat nie van die liefde
van God getuig nie, ook nie van Sy wysheid nie nog van Sy mag en kan
daarom verwerp word as misleiding. Maar dit word dikwels besonder
hardnekkig onderskryf omdat die mense nie meer geinteresseerd in die
waarheid is nie, hulle is onverskillig of hulle in valsheid of in waarheid lewe.
Hulle sal nooit die waarheid so onversetlik verdedig nie aangesien hulle
eerder aan valsheid vashou. Dit is ook ‘n teken van die komende einde: die
mense word meer en meer verontwaardig vir die ekstra lig wat hulle moet
211