DEEL 3 - Nuweopenbaring::: Welkom by Die Nuwe Openbaring

Daarom kan ‘n persoon van die aarde vertrek met ‘n hoë graad van
bewustheid, as Hy die gebooie van liefde met ywer vervul het. Want dan
openbaar Ek My aan hom en sit die regte gedagtes in sy hart of gee aan
hom die waarheid deur die innerlike woord.
Dan sal hy die kennis oorskrei wat hy deur leer of die werk van sy intellek
bereik het, maar hy sal ook erken dat die waarheid in die Boek van Boeke
is omdat Hy dit met ‘n ontwaakte gees sal lees en besef dat daar wysigings
aangebring is weens die intellektuele gedagte van mense wat slegs deur
‘n ontwaakte gees ontdek en reggestel kan word.
“Wie My liefhet en My gebooie onderhou, na hom sal Ek kom en My aan
hom openbaar” En Ek sal hom waarlik in waarheid lei en hom die regte
begrip gee, van dit wat nie belangrik vir die aardse lewe is nie en wat
daarom verborge gehou was, dit sal nou in die eind tyd geopenbaar word
aan almal wat Myne wil wees. Aan hulle openbaar Ek My plan van
verlossing van ewigheid, want Ek wil dat hulle die erns van die tyd begryp;
Hulle sal weet wat vir hulle voorlê en in alle liefde gewaarsku word om aan
die einde te dink en hulle voor te bereid daar op.
Daarom word die kennis nou gebring aan mense, wat dit sal glo en aanvaar
of verwerp volgens die graad van hulle liefde. Hulle sal nie gedwing word
om dit te aanvaar nie, maar hulle sal daaroor nadink. Omdat hulle die Boek
van Boeke ignoreer, sal hulle My Woord ontvang, wat liefde leer en
teselfdetyd aan hulle meer van My plan van verlossing openbaar, omdat die
einde van tyd gekom het. Ek sal aan mense nou ‘n kennis voorlê, wat
ondraaglik vir hulle sal wees as hulle geloof swak is of volledig verdwyn
het, sodat slegs hulle wie se geloof sterk is, aan dit aandag sal gee en oor
My plan van verlossing van ewigheid sal leer.
Ek openbaar Myself nou aan hulle en vertel hulle dat wat sieners en profete
aangekondig het vanaf die begin van hierdie verlossingsperiode, nou vervul
word. want hierdie periode moet ook eindig en die toekoms moet die hede
word. En hulle wie se gees ontwaak is sal vind dat dit ooreenstem met die
Skrif, want wat uit My kom sal altyd ooreenstem en nooit dit self
teenspreek nie.
En net soos die oes die einde van die landbouwer se arbeid is, sal Ek ook
aan die einde oes en die siele wat volwasse geword het op die aarde
insamel, vir ’n lewe in die geestelike koninkryk of op die nuwe aarde, wat
ook al My liefde en wysheid as reg sien: Ek sal die lewende en die dode
oordeel. Ek sal alles plaas waar dit hoort volgens hul staat van
volwassenheid!
Dit sal beteken dat baie mense wat gefaal het in hulle tydelike lewe en
terug gesink het in ’n staat van dood weer in harde materie ingesluit word
van waar hulle hul weg na die lewe geleidelik moet terug vind deur
eindelose tye.
322