DEEL 3 - Nuweopenbaring::: Welkom by Die Nuwe Openbaring

Want My Mag is groot, My Liefde sonder einde en Dit gaan uit na al die nog
onverloste geestelike. En My Wysheid sien waarlik ook die regte tyd waarin
‘n verandering nodig is, dan sal die positiewe ontwikkeling volgens My
ewige orde verder gaan. En My Liefde, Wysheid en Mag sal steeds aan die
werk wees as dit daarom gaan om al die gevalle geestelike terug te voer,
wat huiswaarts moet keer in My Vaderhuis. Amen
Die letter dood - Dooie verkondigers van die Woord
7884 3 Mei 1961
Dit is die gees wat lewende maak en elke letter wat met ‘n onontwaakte
gees gelees word, maak dood. Dit sal vir die mens onbegryplik bly, selfs as
hy sy verstand inspan en probeer om die betekenis daarvan te deurgrond.
En dit het tot dwaling gelei; as My Woord vertaal word of die mense word
geleer deur hulle, wat self geestelike nog nie ontwaak is nie. Wat hul
verstand laat oorheers, waar alleen die hart kan oordeel, wanneer My Gees
Hom hierdeur nie kan uiter nie.
Ek Self kon dus deur baie predikers nie meer tot die mense praat nie, want
hulle kom eerder met leerstellings en toeliging wat van hulself was en nie
meer met die waarheid ooreenstem nie. En so word die betekenis van die
evangelie wat Ek Self op die aarde geleer het met die loop van tyd steeds
meer en meer misvorm. Min lees My Woord nog met ‘n ontwaakte gees en
haal daar ware nut uit vir hul siel.
Vir die ander egter bly My Woord sonder uitwerking. Hulle hoor wel, maar
omdat hulle dit nie reg begryp nie, lewe hulle ook nie daarna nie en kan
daarom ook nie tot ‘n ontwaaking van hul gees kom nie. Temeer, daar van
die kant van die predikers nouliks melding gemaak word oor die “werk van
die Gees in die mens”, omdat hulle self geen begrip daarvan het nie, omdat
hulle self nie weet, dat dit ‘n regstreekse gevolg is van ‘n lewe in liefde nie.
Maar hulle kan hulself daarvan oortuig dat hulle verlig sal word, as hulle
self in die liefde sou lewe.
Hulle lees in die bybel weliswaar kragtig die stelling: “Die letter dood, die
gees maak lewend", maar hulle weet nie wat daarmee bedoel word nie,
want hulle is geestelike nog nie ontwaak nie. En daarom kan byna alleen
nog maar van ‘n dooie christendom gepraat word en daarom beteken ook
My Woord wat in die boek der boeke staan vir die mense nie meer baie nie.
Daarom het die geloof swak en kragteloos geword, omdat die krag van die
lewe daarin ontbreek. Want die geloof kan eers lewende word deur die
liefde, want alleen die liefde wek die gees op tot lewe.
En as daar maar ‘n teer plantjie uit die warmte van die liefde uitspruit, dan
sal dit ook spoedig sterk en kragtig word. Daar sal ‘n lewende geloof uit
voortkom, wat alles tot lewe sal opwek wat tot nog toe dood was in die
mens. Die siel sal groei en die geestesvonk op hom laat inwerk. Hulle sal
tot lewe kom en die lewe ewige nie meer verloor nie.
412