DEEL 3 - Nuweopenbaring::: Welkom by Die Nuwe Openbaring

Steeds was daar gedurende ‘n verlossings periode klein tydperke gewees,
waarin Ek moes ingryp deur regterlike vonnisse van allerlei aard. En steeds
weer word die mense dan gewaarsku en vermaan. En namate hul
bereidwilligheid om ‘n ander weg in te slaan, kan hierdie vonnisse dikwels
verskuif of opgehef word. Altyd weer wil My liefde tussen beide kom om te
probeer om die mense op die regte pad te bring, voordat My Geregtigheid
Hom openbaar. Maar die tyd van ‘n verlossingsperiode is begrens en dit sou
waarlik voldoende gewees het om alle siele volkome verlossing te bring, as
die wil van die mens die tyd vir die doel benut het. En eens is ook hierdie
begrensde tyd verby en moet daar weer aan die, in die skeppings
gekluisterde geestelike, gedink word wat dieselfde weg van ontwikkeling
moet gaan en ook wil, om eens vry te word uit die vorm. Want My liefde
gaan ook uit na die nog onvolwasse geestelike.
My heilsplan omvat al die eertydse van My afgevalle geestelike. Daaraan
moet die mense dink as die heilsplan onbegryplik lyk en nie lyk of dit met
My liefde ooreenkom nie. ‘n hernieude orde het vir al die geestelike
noodsaaklik geword, maar ook die mensdom bevind hulle op ‘n geestelik
dieptepunt wat om ‘n einde vra. ‘n ontbinding van die skepping en ook van
die mense wat die weg tot My nie gevind het nie en ook nie meer sal vind
nie.
Daarom glo dat Ek in My wysheid besef en van ewigheid dit insien, dat Ek
die wil en die rypheidstoestand van die mense in die laaste tyd ken. En dat
Ek ooreenkomstig hierdie wil ook My heilsplan vasgestel het, wat nou
waarlik ook ten uitvoer gebring word wanneer die tyd daarvoor aanbreek.
Elke dag is nog ‘n genade, want hy kan benut word vir die terugkeer tot My
julle Vader. Elke dag kan die siel nog volwassenheid bring en daarom moet
julle elke dag nog as ‘n genadegawe sien en dankbaar wees vir My liefde
wat julle ook seker sal help tot aan die einde, tot die laaste dag gekom het.
Maar dat hy sal kom is seker, want My woord is en bly die ewige waarheid.
Amen
Geestelike oorhand is nie dieselfde as geestelike
hoogmoed nie
7730 23 Oktober 1960
Die geestelike oorhand moet nie verwar word met geestelike hoogmoed
nie. Wanneer Ek ‘n mens in die waarheid bring, wanneer hy deur My Woord
onderrig word om vir die medemens ‘n bruikbare leraar te word, dan mag
hy ook met oortuiging met sy kennis uitkom, omdat dit van My kom en hy
sal dan ook seker daarvan kan wees, dat hy die suiwer waarheid ontvang
het en dat hierdie waarheid ‘n hoër waarde het as menslike kennis wat deur
die verstand deur homself verwerf is en wat nooit as waarborg vir die
waarheid staan, wanneer My Gees nie kon werk nie.
354