DEEL 3 - Nuweopenbaring::: Welkom by Die Nuwe Openbaring

moet egter eens vir julle wil verantwoording doen, wat nie van die daad
afhanklik is nie, maar beoordeel word na, hoe en of dit gebruik is. Want wil
en daad hoort wel by mekaar, maar die wil sonder die daad is geen wil as
die mens self die uitvoering agterweë laat of vermy nie.
En dit moet julle krities by julleself in die oog hou en daarom word julle
steeds weer die betekenis van ‘n vrye wil voorgehou, wat julle nie kan
verloon wanneer julle ernstig nadink oor wat onder ‘vrye wil’ te verstaan is
nie. Julle innerlikste denke en wil is julle mees eie besit en geen mens kan
julle daarin rigting gee of julle denke en wil belet nie. Julleself moet julle
daarvoor verantwoord, want die vrye wil is ‘n heel belangrike faktor in die
aardse lewe, ‘n faktor wat aan My heilsplan ten grondslag lê, wat aanleiding
was van die vroeëre afval van My en wat ook weer die uiteindelike
terugkeer na My moet bewerkstellig, anders sou die werk van terugbring al
lankal voltooi wees, as My Wil alleen daarvoor gegeld het dat My skepsels
die weg na My moet gaan in 'n vasgestelde tyd.
Maar omdat die vrye wil van die mens dit self bepaal, is dit daarom ook so
buitengewoon belangrik dat die mense steeds weer opheldering gegee
moet word wat nog ‘n vrye wil ontken en wat hulself daarom nie bewus is
van die groot verantwoording wat hulle dra nie. Hulle laat hulself dryf en
glo dat hulle willose skepsels teenoor My, hul God en Skepper is, wat hulle
eens in vryheid geskape het en hulle ook weer help om die vryheid van wil
te ontvang wat hulle in die allereerste begin besit het.
Die vryheid van die wil is dus nie alleen ‘n geloofsopvatting nie, veeleer kan
die mens hom deur ernstig nadenke die sekerheid verskaf welke betekenis
die vrye wil vir hom het en hy sal dan sy lewenswandel bewus lei en seker
ook My, as sy doel, bereik. Amen
Wat is ‘n ware gebed?
7274 4 Februarie 1959
Julle kan enige iets van My kry as julle op die regte manier daarvoor bid.
Julle moet nie eis nie maar ‘n beroep op My doen met ‘n beskeie hart om
hulp in aardse en in geestelike teëspoed. En julle moet glo dat Ek julle sal
help omdat Ek julle lief het. Daarom wil Ek ‘n ware gebed in gees en
waarheid hê, sodat Ek julle dan ooreenkomstig julle geloof sal kan steun.
Wat dit ook al is, dit is alles moontlik vir My, selfs as julle mense nie dink
dat dit moontlik is nie, maar My mag is onbeperk en My wysheid voorsien
ook alles en kan dienooreenkomstig altyd vir die redding van julle siele
werk. En My liefde sal dit ook verwesenlik, julle is tog My kinders, vir wie
Ek niks sal ontsê wat vir hulle voordelig is nie. ‘n Ware gebed is ‘n gebed
wat My oor sal bereik, omdat julle die moeite doen om My by julle aanwesig
te laat wees wanneer julle bewus van julle eie swakheid My smeek om julle
van krag en hulp te voorsien. So’n gebed sal nie onverhoor bly nie omdat
dit in diepste nederigheid aan My gerig word.
173