DEEL 3 - Nuweopenbaring::: Welkom by Die Nuwe Openbaring

onselfsugtigheid. Maar slegs weinig bereik die graad van liefde op aarde
omdat steeds nog die eie ek homself voorpraat, omdat dit groot inspanning
vereis, wat die mens alle verlange en begeerte opgee terwille van die
naaste; want sy siel moet hom volledig ontdoen van afvalstowwe
gedurende sy lewe op aarde en daar hoort ‘n hoë graad van liefde toe en
ook ‘n groot mate van leed, sodat die siel geheel gelouter is by sy
heengaan van die aarde.
Hulle is dan volgroeid tot ware kinders van God en het die aaneensluiting
met My al op aarde gevind, hulle het hulself in vrye wil gevorm tot kinders,
wat Ek Myself nie kon skep nie. Wie daar egter ernstig na streef, wie in
diepste deemoed steeds en steeds weer My genade afsmeek, wie homself
al voel as My kind, die sal ook nie verswak in sy strewe nie en sy doel ook
bereik.
Maar die liefde tot My moet hom vervul, die verlange na die hoogste
geluksaligheid en die liefde tot My sal dan ook die graad van sy naasteliefde
voortdurend verhoog. Deur die naasteliefde egter bewys hy eers sy liefde
vir My.
Ek wil egter julle almal tot My kinders vorm en julle moet julle ook almal as
My kinders voel, daar julle anders nie die ware verhouding met My tot
stand kan bring nie, met julle Vader van ewigheid, uit Wie se Liefde julle
voortgekom het.
Julle mag egter nie vergeet dat julle op aarde is om My kinders te word nie
en dat julle, julleself daarom onophoudelik moet inspan. Is julle egter My
kinders, dan kan en sal Ek julle ook van die aarde wegneem, omdat julle
dan die doel bereik het waarvoor Ek alles geskape het: die hoogste
volmaaktheid in vrye wil.
Die verskil moet Ek julle steeds weer voor die gees stel, om julle daartoe te
bring om die grootste inspanning te lewer, want solank julle oor die aarde
gaan, het ook My teenstander invloed op julle en solank My teenstander
nog invloed op julle kan uitoefen, sal hy ook weet hoe om julle te verhinder
dat julle, julleself geheel aan die naasteliefde wy, want solank daar nog
onreine geestelike substansies in julle is, solank het die liggaam ook nog
aardse verlangens, solank is die eieliefde nie heeltemal oorwin nie en moet
die mens hierteen steeds stry.
Die totale oorwinning van al die negatiewe verseker die mens egter ook ‘n
hoë graad van liefde en dan kan ook die eenwording met My plaasvind,
want dan trek die Vader Sy kind na Hom toe en laat hom ewig nie meer los
nie. Amen
423