DEEL 3 - Nuweopenbaring::: Welkom by Die Nuwe Openbaring

Die ontwikkeling van die siel - (Oergees)
7571 7 April 1960
In elke ontwikkelingsperiode word die geestelike volwasse en ook kan één
periode voldoende wees dat die geestelike wat deur die skeppinge gaan,
soveel verbeter dat hulle hulself as mens kan beliggaam en die laaste
wilsproef met sukses aflê. Maar daar kan ook meer periodes nodig wees vir
die vergeesteliking van die verharde siele substansies, wanneer die
weerstand hiervan so groot is dat die positiewe ontwikkeling stadig
plaasvind en ook die bestaan as mens ‘n gevaar is dat die geestelike weer
terugsink na die diepte. Want die vrye wil, wat in die stadium as mens
beproef moet word is deurslaggewend. Die vrye wil was egter tevore
gebind.
Die verharde geestelike is wel aan die wil van die teenstander van God
ontruk deur die ontwikkelingsgang deur die skeppinge van die aarde, maar
die afsonderlike substansies kon hul nie in vrye wil beweeg nie, hulle was
inteendeel deur die Wil van God oorheers, d.w.s. hulle lê hul
ontwikkelingsgang af in ‘n toestand van onvryheid hulle staan onder die Wil
van God, wat al die wesens in die skeppingswerke hul taak toewys. Deur
die vervulling van die taak onder die wet van "jy moet" klim hulle stadig na
bo, d.w.s. hul weerstand neem af, hulle verrig ‘n dienende taak
ooreenkomstig hul bestemming en kan stadig die toestand bereik waar
hulle hul vrye wil kan terug kry.
En die ontwikkelingsgang vereis ‘n voortdurende wisseling van die uiterlike
vorm, dit is ‘n stadige opwaarts gaan, dit is ‘n aanpassing aan die wette
van die natuur en gevolglik ‘n onderwerping aan die Wil van God, al is hulle
ook onder dwang wat die wese egter verligting besorg en hom eens weer
die vryheid sal gee waarin hy weer kan dink, wil en handel vanuit eie wil.
En die gang deur die skeppingswerke is nie uit te skakel as die geestelike
wese weer terug moet keer na God, van Wie hy hom eindeloos ver
verwyder het deur sy afval van Hom dat hy uit eie krag nooit die afstand
sou kon oorwin en ook nooit deur die teenstander van God vry gelaat sou
word, m.b.t. die terugkeer, wanneer God die wese weer aan hom sou
ontwring, met die doel vir kluistering in die materie in die skeppinge op die
aarde.
Die teenstander van God besit ‘n reg op die gevalle geestelike omdat hulle
hom vrywillig gevolg het die diepte in. Maar God besit dieselfde reg omdat
die wesens uit Sy Krag voortgekom het. Daarom is die ontrukking van hulle
uit die mag van die teenstander van die kant van God geregverdig, maar
daarvoor is die teenstander die reg gegee dat hy weer kan inwerk op die
geestelike wanneer hulle in die stadium as mens oor die aarde gaan. En tot
dien einde moet die geestelike weer ‘n graad van vryheid verkry waarin hy
instaat is om sy wil te gebruik om vry ’n meester te kies.
287