DEEL 3 - Nuweopenbaring::: Welkom by Die Nuwe Openbaring

aardse bestaan is, omdat julle andersins ewiglik nie na My toe kan
terugkeer nie.
En so moet julle ook tot kennis kom dat julle God en Skepper ‘n Wese is,
wat in hoogste volmaaktheid werksaam is, dat in Hom Liefde, Wysheid en
Mag is en dat die Wese gedurende julle aardse lewe eise aan julle stel en
dat julle hierdie eise moet nakom. Word die kennis in alle waarheid vir julle
bygebring, dan sal dit ook julle lewensweg soos ‘n lig verlig. En dan lê dit
by die wil van elkeen persoonlik om die lig steeds helderder in homself te
laat straal; wat geskied deur die vervulling van My Wil, deur die vervulling
van die gebooie van die liefde. Want "wie My gebooie onderhou, hy is dit
wat My liefhet, na hom toe wil Ek kom en My aan hom openbaar!"
Ek kan dus nou die gebied van sy kennis vergroot. Ek kan hom opheldering
gee op elke manier. Hy sal steeds maar net vrae aan My hoef te rig, wat Ek
vir hom sal beantwoord, regstreeks of ook wel in die vorm van gedagtes
wat aan hom van My af gestuur sal word. ‘n Omvangryke kennis kan aan
hom gebring word oor My en My Wese, oor My bestuur en werk, oor die
hele samehang wat die ontstaan van die skepping verklaar, oor die sin en
die doel van alle skeppingswerke en oor die eintlike opdrag van die mens
wat op aarde leef. Ek kan die mens uitvoerig deur My openbaringe onderrig
en ‘n aansienlike mate van kennis aan hom laat toekom, sodat hy dan ook
kan sê dat hy die ware insig het, dat hy weer ‘n lig in homself ontsteek het,
wat hy self deur sy afval van My uitgedoof het, sodat hy in die diepste
duisternis geval het. En langsaam kan hy nou weer nader aan sy
oertoestand kom, want die duisternis van gees het eers deur die verval
gekom en die lig verkry hy deur die terugkeer na My.
En of julle mense nou oor ‘n skoolse kennis beskik, is nie beslissend vir die
toestand van julle gees nie, want dit sal vir julle onbegryplik bly, ook al is
dit volgens die waarheid, solank as wat julle nog nie deur die liefde, die lig
in julleself ontsteek het, wat julle nou van binne uit kan verlig nie en julle
nou die waarheid as sodanig kan herken. Maar julle moet tot die waarheid
kom, aangesien julle andersins blind deur die aardse lewe sal gaan en geen
enkele samehang sal kan begryp nie.
Die liefde skenk julle daardie lig, dit wil sê, is die liefde in julle dan staan
julle in innige verbinding met My en dan verlig Ek julleself en julle kan nie
anders as om korrek te dink nie. Julle begryp alles en julle is dan nie meer
in die geheel onwetend nie. Julle kan egter nooit wetend wees of word
sonder liefde nie, want die liefde is die lig wat julle lei in die waarheid, maar
sonder liefde sal julle vir ewig in die duisternis bly.
Ontvang julle ook kennis wat alles verklaar en wat julle ook sal bevredig,
dan sal julle toeneem in wysheid, geloof en krag. Want hoe dieper julle
binnedring in geestelike kennis, hoe oortuigender kan julle glo en hoe
nader kom julle na My toe en ontvang van My krag in ‘n regstreekse vorm.
Onuitputlik is die bron van kennis en onbegrens die gebied wat slegs Ek vir
julle kan ontsluit. En al gaan daar ewighede verby, julle sou nooit tot ‘n
486