DEEL 3 - Nuweopenbaring::: Welkom by Die Nuwe Openbaring

om met hulle wense rekening te hou. En dan hou My Gees homself stil, dan
spreek hulself as mens en bring My werksaamheid in hulle, in gevaar.
Ek spreek wel deur die mond van 'n mens tot alle mense, as Ek probeer om
hulle My evangelie te laat leer ken in alle suiwerheid. En vervul julle nou My
Wil, dat julle My evangelie in julle ontplooi, dan kan Ek ook elkeen van julle
persoonlik aanspreek deur die hart, sodat waarlik, elke vraag wat julle
innerlik besig hou, beantwoord word. Wie homself egter nog nie so gevorm
het deur die liefde, dat hy in staat is om My in sy binneste te hoor nie, die
sal ook nie so 'n antwoord kan verwag via ander, wat dit vir hom sou wil
oorbring en sodoende woorde weergee wat nie My Woorde is nie. Want dit
is tog My Wil dat julle die noue verbinding self met My tot stand moet
bring. Dit is My Wil dat julle, julleself na My keer, dat elkeen homself so sal
vorm dat Ek hom ‘n antwoord gee wanneer hy vra. Wanneer julle My in
stilte julle wil toesê om My te dien en verlossingsarbeid te verrig, dan kan
julle ook daarvan seker wees dat Ek julle aanneem en julle het dan waarlik
geen opdrag nodig wat deur die medemens aan julle gegee word nie. Want
julle gee dan julleself ‘n bewys van julle onvermoë, naamlik: Ontbrekende
liefde en vertroue in My, wat elke vraag van julle ken en julleself ‘n
antwoord gee as julle My daarom bid.
Die stille verlossingsarbeid wat deur elkeen persoonlik verrig word, is vir My
waarlik meer dierbaar, as die werk wat gedoen word onder menslike
invloed. Want julle weet dat julle almal vir My welkom is en Ek julle
aanneem as My knegte, as julleself julle dienste vir My bied en trag om My
Wil te vervul. Waarom verlang julle dan na bevestiging wat Ek julle deur
mensemond moet laat toekom? Julle open daardeur die deur vir julle
teenstander, wat self nou, ooreenkomstig so ‘n wens, homself probeer uiter
om julle te laat sien dat julle nie glo aan My regstreekse werksaamheid in
julle nie. Omdat julle nie glo dat Ek julle die antwoord in die hart gelê het,
as julle, julleself met My verbind in gebed nie. En deur die ongeloof kry hy
invloed wat julle moet verafsku. Want ook hy bedien homself van keurige
woorde en julle sal ernstig moet ondersoek waar hierdie woorde vandaan
kom. Amen
God beantwoord elke vraag deur die hart Deel 2
7859 27 Maart 1961
Dat die mense so maklik ten prooi val tot die dwaling lê daaraan, dat hulle
houding teenoor My nog nie heeltemal in orde is nie, ook, al het hulle die
wil daartoe, dit wil sê, as hulle in die wil lewe om My te dien. ‘n
Voortdurende verbinding met My, sal hulle waarlik teen dwaling bewaar, dit
wil sê, hulle sal dit as sodanig herken.
Hierdie verbintenis is egter nog nie diep genoeg nie en sodoende dring
hulle gedagtes wat nog altyd aards is, op die voorgrond en wat met die
verstand aangeneem en oordink word.
403