DEEL 3 - Nuweopenbaring::: Welkom by Die Nuwe Openbaring

Ek dink aan die groot geestelike nood waarin die mensdom hulle bevind en
elke siel wil Ek daarom nog aanraak om hom vir My te wen. Daarom moet
Ek ‘n groot aardse ellende oor die aarde laat kom, wat egter met My hulp
oorwin sal kan word. Want My liefde en mag sal hom oral openbaar waar
Ek om hulp aangeroep word. Amen
Die verspreiding van die evangelie in die wêreld
(Matt.24:14)
7055 4 Maart 1958
Wanneer julle oë steeds weer gerig word op die gebeurtenisse in die
wêreld, dan moet julle daarin die verloop sien van wat julle al lank tevore
gesê is. Julle moet die tekens van die aanstaande einde in die wêreld sien
en as julle gees ontwaak is sal julle ook weet in welke tyd julle leef, want
alles sal gebeur soos wat Ek dit vir julle deur sieners en profete laat
verkondig het. Daar sal baie rampspoed wees onder die mense, die liefde
sal verkoel en dit sal wees soos dit was voor die sondvloed, naamlik
uitgebreider genietinge van die luste van die lewe, groter sondigheid en
meer ongeloof. Alles voltrek homself op ‘n manier wat die mense as
vanselfsprekend beskou en hulle niks ongewoons insien nie, omdat hulle
denke en strewe maar net wêrelds gerig is. Maar Ek het julle verkondig dat
julle aan die tekens van die tye sal insien wanneer die einde naby is. En
daarom moet julle ook op hierdie tekens ag slaan. Wel sal julle mense die
teenwerping maak dat die aarde reeds dikwels sulke tye beleef het, dat in
elke tyd die genoemde aankondigings verwag kon word, as gevolg van die
tydsomstandighede. Julle sal ook gewys word op tye van groot
ongelowigheid en godslasterlike handelinge van die mense. Maar julle
vergeet dat Ek julle daarop gewys het dat My Evangelie in die hele wêreld
versprei moet wees, voordat die laaste sifting op hierdie aarde homself kan
voltrek.
Julle weet egter nie wat om onder "verkondiging van die evangelie" te
verstaan is nie. Julle glo dat dit slegs deur mense kan geskied op so 'n
manier, dat hulle die kennis oor die verlossingswerk en die leer van die
Goddelike liefde oral daarheen bring, waar dit tot nou toe nog nie
deurgedring het nie.
Ook hierdie verspreiding van My Evangelie behoort wel daarby, maar Ek
Self sorg daarvoor dat hierdie kennis daar beland waar die mense nog geen
verkondiging van Jesus Christus en Sy verlossingswerk gebring is nie. Maar
Ek verskaf hulle egter hierdie kennis regstreeks, Ek werk deur My Gees
waar die mense slegs uit innerlike aandrang hulself beywer om te lewe in
die liefde. En die regstreekse inwerking vind plaas en sal dikwels groter
sukses hê as by mense wat al lankal op hoogte is van Jesus Christus en tog
geen Christene genoem kan word nie.
Die evangelie moet eers versprei word en dit word ook versprei. Dit word
oral versprei deur My ligbodes wat juis gedurende die laaste tyd
82