DEEL 3 - Nuweopenbaring::: Welkom by Die Nuwe Openbaring

Verlossing beteken dus die vry word van hom wat die dood in die wêreld
gebring het, verlossing beteken die aanneming van die hulp van Jesus
Christus, want sonder Hom is die mens verswak as gevolg van die oersonde
en die sonde van sy stamouers, wat gedelg word deur die dood van Jesus
Christus aan die kruis. Amen
Die wilsvryheid skakel bewys om te glo uit
6976 25 November 1957
Geen mens kan gedwing word om te glo nie, om welke rede dit onmoontlik
is dat Goddelike openbaringe so gegee word dat daar nie aan getwyfel kan
word nie. Maar dit is as Goddelike openbaringe te herken deur hom, wat die
ernstige wil het om verlig te word, wat hom dus geheel onvoorbeoordeeld
wat dit betref instel en opreg ondersoek. Word die mense egter ‘n
onweerlegbare bewys gegee dat hulle deur God Self aangespreek word,
dan sou ook hul denke en wil deur die bewys bepaal word, dus ‘n vrye
wilsbeslissing uitskakel, wat egter die sin en doel van die aardse lewe is.
Dit sou waarlik vir God nie moeilik wees om die mense so aan te spreek dat
hulle Sy bestaan nie meer sou kan betwyfel nie, maar dan sou die
doelstelling van die lewe nagelaat wees, want die vergoddeliking van die
geskape wese is ‘n daad van die vrye wil, daarom moet dit onaangetas bly
en sluit dit om die rede ‘n absolute bewys uit. Maar tog is dit vir alle mense
moontlik om hulself die innerlike oortuiging te verskaf, want sodra sy wil
aanvanklik vir God gekies het, deurdat hy bewus met Hom in kontak wil
tree, gee God homself blyke van Sy Liefde, Wysheid en Almag. Hy
openbaar Hom dan Self aan hom op ‘n wyse dat hy nie meer kan twyfel nie
en gelukkig is met die insig verkry.
Die genade van Gods openbaringe val alle mense ten deel, dog nie alle
mense gebruik dit om tot insig te kom nie. Die skepping self is reeds ‘n
openbaring van God en dit alleen kan die mens al as ‘n lewende bewys
dien, dit sal hom kan oortuig van ‘n ewige skeppende Gees, wat Hom deur
hierdie skepping openbaar. Maar ook die skepping mag geen dwingende
bewys wees om te glo nie. Daarom kan die mens ook die ontstaan van die
skepping op ‘n ander maniere probeer fundeer, wat hy ook sal doen
kragtens sy vrye wil as hy homself isoleer van God deur ‘n weerspannige
wil en ‘n innerlik wat teen God gerig is.
Hierdie mens kan dus nie glo nie omdat hy nie wil glo nie. En om so iemand
‘n onweerlegbare bewys te gee sou sy wil alleen maar dwang oplê en geloof
so verkry sou dan heeltemal doelloos wees. En daarom sal daar in die
wêreld, d.w.s. onder die mense van hierdie aarde steeds verskillende
menings wees, omdat die mense nie almal van gelyke wil is nie en almal
nie die genade van dit wat na hulle toestroom op dieselfde manier gebruik
nie.
42