DEEL 3 - Nuweopenbaring::: Welkom by Die Nuwe Openbaring

sy weerspannige gesindheid. My teenstander hou nou die wese gevange
wat homself nie meer van hom kan vrymaak nie, dus moet die wese gehelp
word, omdat hy alleen te swak is om van hom los te kom. Hierdie hulp is
enkel en alleen Jesus Christus, want as julle mense nou wil vry word en dit
is wel in die aardse lewe moontlik, dan moet julle Jesus Christus om hulp
aanroep. Julle moet Hom erken as Oorwinnaar, want Hy het die
teenstander oorwin. Julle moet Hom erken as die aardse Houer waarin Ek
Self vertoef om die stryd met My teenstander uit te veg. En dit was slegs in
‘n aardse verblyf moontlik, in die vorm van ‘n mens wat swak was,
gelykstaande met julleself en wat ook Goddelike krag nodig gehad het om
Hom in staat te stel om oor die teenstander te seëvier.
En hierdie krag was die liefde, My Oerwese, om welke rede dus die
verlossingswerk deur die liefde, deur Myself volbring was. En soos die mens
Jesus die krag van My getrek het, omdat Ek Hom daarmee vervul het, so
moet julle ook tot My bid vir die gawe van krag wat die mens Jesus vir julle
deur Sy kruisdood verwerf het. Slegs deur Jesus Christus kan julle hierdie
krag verkry, of ook: Julle moet tot My in Jesus bid dat Ek julle weer die
krag sal gee wat julle eens afgewys het. Maar hierdie gawe is nie moontlik
sonder die erkenning van die verlossingswerk nie, want eers daardeur kan
julle vergewing vind van die vroeëre ontsaglike sonde van julle afwending
van My. Die kruisoffer was die delging van hierdie groot skuld. Dit is vir
hom wat van goeie wil is nie moeilik te begryp nie, maar die onwillige kan
die samehang hiervan nie aanneem en glo nie. En tog mag hy homself nie
heeltemal afwysend teenoor die probleem opstel nie, maar moet ootmoedig
sy onwetendheid en onbekwaamheid t.o.v. die korrekte insig beken. Hy
moet wil dat opheldering aan hom volgens waarheid gegee word en die
insig daarvoor vir hom ontsluit word. Hy moet die voortdurende
vermaninge ter harte neem dat niemand sonder Jesus Christus kan salig
word nie. En hy moet steeds begeer om nog op aarde vry te word van die
gebonde toestand. Want elke mens kom tot die besef dat hy nie vry is nie.
Geen mens voel homself op aarde onbeperk gelukkig nie en elke mens is
aan periodes van swakheid onderworpe. Want elke mens is belas met die
oerskuld, wat slegs deur die Goddelike Verlosser Jesus Christus gedelg kan
word. Amen
Boodskappe oor ‘n voortbestaan van die aarde word
eerder geglo
7040 11 Februarie 1958
Slegs in 'n klein kring sal julle nog kan werk, want die wêreld is baie sterker
as julle en hulle sal julle wegstoot as julle op die voorgrond wil tree. Nog is
die wil om te lewe van die mens te sterk tot ‘n lewe wat nie ewig duur en
wat slegs bestaan uit die vreugde van die wêreld. En waar hierdie wil
70