DEEL 3 - Nuweopenbaring::: Welkom by Die Nuwe Openbaring

My stem klink in elke mens soos die stem van die gewete, maar dit kan na
geluister of ook nie na geluister word nie, dit hang slegs af van die wil van
die mens. Dus sal die stem van die gewete die mens ook kennis gee oor
wat reg en wat verkeerd is; hy word deur die stem van die gewete onderrig
oor die grondwet, oor die liefde, want as mens weet hy presies wat hom
vreugde en welbehae of wat hom lyding en ellende veroorsaak. Daarom
kan hy ook teenoor sy medemens so handel soos dit homself tot welsyn
dien en hy kan hom teen skade aan sy liggaam behoed.
Dus kan die liefde ook in hom ontwaak, waardeur die lig van insig hom dan
sal verlig. Elke mens kan tot die korrekte denke en handeling kom, want
vanuit My is in hom die fyn gevoel gelê wat deur die stem van die gewete
tot uitdrukking kom. En sodra hy hierdie stem in ag neem, kan hy sy wese,
wat in die begin van sy beliggaming as mens, nog baie selfsugtig is,
verander om sy naaste lief te hê. En dan is die sekerheid ook gegee vir ‘n
sterk en lewende geloof in My, sy God en Skepper.
En dan sal hy ook spoedig in My sy Vader erken wat hom liefhet en na Hom
toe wil trek. Hy sal hierdie verbinding in vrye wil nastrewe en Ek sal hom
kan lei na volmaaktheid, omdat Ek elke mens die hulp skenk. Ek laat geen
mens in swakheid en onwetendheid nie, Ek is en bly sy Leier gedurende die
hele aardse lewe, solank hy homself nie teen My verset nie, solank sy wil
homself deur die stem van die gewete laat beïnvloed. Dit sal steeds geskied
wanneer die siel gewillig is om die doel van die aardse lewe te bereik. Want
dan kan die mens verseker daarvan wees dat alles van My kant af gedoen
word om hom tot volmaaktheid te bring, dat hy nooit aan homself
oorgelaat is nie en ook sy bestemming sal bereik. Amen
Die ontwikkelingsweg van die geestelike deur die
skeppings – Die terugvoeringsproses
7699 14 September 1960
Julle het deur die hele skepping heen gegaan. Dit is ‘n belangrike uitspraak
wat julle eers sal kan begryp wanneer julle My plan van terugvoering, My
plan tot vergeesteliking van al die nog onvolwasse geestelike ken en in die
verband weet wat julle gang deur die skepping as grondslag het.
Julle is eers as mens weer die oerwese wat julle was toe Ek julle geskep en
buite My geplaas het. Julle afval van My in die diepste diepte het ook julle
ontbinding tot gevolg, sodat julle die gang deur die skepping in tallose
afsonderlike substansies afgelê het, wat alles in skeppingswerke ingelyf
word en so hul bestemming moet nakom. Sodoende kan hulle langsaam die
opwaartse ontwikkeling deurmaak wat die terugvoer van die geestelike, sy
wesensverandering, tot stand moet bring volgens My heilsplan van
ewigheid.
Alle skeppingswerke het sy taak waarvan die doel dienning is. Deur
voortdurend te dien vanuit die wet van "jy moet" verloor die geestelike
341