DEEL 3 - Nuweopenbaring::: Welkom by Die Nuwe Openbaring

Maar Ek verstaan daar geen uiterlike gebruike onder nie, Ek neem daar
geen genoë mee dat julle uiterlike gebruike en handelinge verrig en dan glo
dat Ek Self nou in julle is. Dat julle so met My verbind want as julle die
seremonies ondergaan, wat julle onder die woorde “nagmaal” of
“bymekaarkoms” verstaan. Dit sal altyd alleen maar uiterlike handelinge en
gebruik bly, as julle nie van ganser harte daarna verlang om My Woord te
hoor en deur My aangespreek te word nie. As julle siele nie honger en dors
na die brood van die hemele nie, na die water van die lewe; na My Woord
nie!
Want “My Woord” is Ek Self en daar moet so ‘n groot verlang na My Woord
hom van julle meester maak, dan eers sal julle kan sê, dat julle innig met
My verbind is en met My die nagmaal hou. Dan eers kan Ek julle brood en
wyn aanbied, My vlees en My bloed. Dan eers het julle na My tafel gekom
om met My die nagmaal te nuttig, dan ontvang julle Myself soos Ek dit julle
beloof het.
“Ek is die brood” – “En die Woord het vlees geword” - verstaan julle nou My
Woorde reg wat Ek op aarde gespreek het? “Wie My vlees eet en My bloed
drink die het die EWIGE lewe!” Wie My Woord hoor en die krag van My
Woord op hom laat inwerk, hy alleen kan die EWIGE lewe bereik, want sy
siel sal genees en tot volle ontwikkeling kom. Julle sal deur My Woord ook
My Wil ken en My Woord sal julle die krag gee om na My Wil te lewe. Julle
sal dus nie alleen na My Woord luister nie maar dit ook toepas en waarlik
die lewe kry wat julle vir ewige nie meer kan verloor nie.
En omdat Ek weet hoeseer die mense die voedsel vir hulle siel nodig het,
stuur Ek My uitnodiging en roep almal om as gaste aan My tafel te kom en
met My die nagmaal te gebruik. En niemand hoef onversadig van My tafel
heen te gaan nie, want dit is ryk gedek vir almal wat tot My kom en so deur
My wil laat spysig en te drinke gee.
Ek het waarlik kragtige spyse en ‘n heilsame drank vir julle almal berei.
Maar julle moet self tot My kom, honger en dors moet julle na My dryf.
Dan sal julle siele ook gelaaf word, julle sal weer nuwe krag kry vir julle
pelgrimstog op aarde. Julle sal nie meer kragteloos neersink langs die weg
nie, want steeds weer sal julle die ware voedsel aangebied word, as julle
daarna verlang, as julle, julle innig met My verbind en wens om deur My
gespysig te word.
Ek Self sal tot julle kom en Ek sal klop aan die deur van julle hart en wie
My binne nooi, met hom sal Ek die nagmaal vier en hy met My. Maar glo
egter nie dat Ek daar is waar alleen aan die uiterlike vorm voldoen word
nie, waar julle egter julle vir My Woord wat uit die hoogte tot julle kom
sluit. Want wie My Woord nie hoor nie hom hoor Ek ook nie. Wie My Woord
afwys hom wys Ek af en sy siel sal sonder voeding bly. Hulle moet dan
gebrek ly en gaan so bekommerd en armsalig die geesteryk in as die uur
van sy dood gekom het. Amen
426