DEEL 3 - Nuweopenbaring::: Welkom by Die Nuwe Openbaring

dood weer in die ligryk opgeneem te kan word, wat die eintlike Vaderland
van die mens is. Maar ook in die hiernamaals ervaar die siele My
verlossingswerk en hulle kan ook daar nog die weg tot My in Jesus Christus
neem. Maar hulle kan dan nie meer die hoë graad van volmaaktheid bereik
wat hulle op aarde wel kon bereik het, deur die erkenning van Jesus as
Seun van God en Verlosser van die wêreld nie; in Wie Ek Myself beliggaam
het om van hulle weer die erkenning te kry wat hulle My eens geweier het.
Julle mense moet die groot betekenis van die verlossingswerk besef. Julle
mag die Naam van Jesus nie noem as slegs die naam van ‘n mens nie, as
iemand wat eens oor die aarde gegaan het met ‘n hoog etiese doel nie. Dit
was ‘n baie belangrike missie waarvoor Hy op die aarde gekom het en as
dit vir julle nog nie duidelik is nie, moet julle trag om dit te deurgrond.
Want dit hang van julle insig en julle goeie wil af of julle, julle weg oor die
aarde met sukses sal aflê en of julle weer in die Ryk opgeneem sal word,
wat julle ware Vaderland is. Amen
Hulp van goeie geestelike kragte
7144 13 Junie 1958
Wie hom toevertrou aan die geestelike kragte wat in My opdrag werk, sal
ook steeds goed versorg word, want die wil van die mens wat na My gekeer
is en wat hul daarom ook die reg gee, om hul versorgende funksie te
verwesenlik, stel dan vir hulle hul werksaamheid vas. Elke mens wat van
goeie wil is, moet hom alleen steeds aan die goeie kragte in die heelal
oorgee, steeds met die doel, dat alles geskied na My Wil en nou dus ook vol
vertroue hulp uit die ligwêreld kan verwag as hy die nodig het.
Geen gelowige mens word sonder beskerming aan homself oorgelaat nie en
ook om te voorkom dat hy heeltemal vereensaamd oor die aarde gaan, hy
is steeds omring deur wesens wat hom goed wil doen, omdat sy mees
innerlike gedagtes op My gerig is. En met die wete sal hy waarlik sorgloos
deur die lewe op aarde kan gaan, want mense sal hom nooit so trou
bystaan met hulp soos hierdie geestelike wesens wat in My opdrag by julle
werksaam is nie, wat julle lei in My Wil, wat steeds alleen My lig en
liefdebodes is, wat Ek terwille van hulle eie geluksaligheid by hul
beskermlinge laat bly.
En waar julle gaan of staan, is julle onder hulle sorg, hulle werk in op julle
gedagtes, hulle waarsku en maan julle hulle sit julle aan om hierdie of
daardie werksaamheid te verrig en doen steeds alleen dit wat hulle as My
Wil sien, sodat julle dus van Goddelike beskerming kan praat, dat julle,
julleself deur Myself begelei mag voel, omdat Ek tog van alles op hoogte is
wat dienstig is vir julle.
Daarom sal julle ook elke bange sorg van julle moet laat afval, julle sal nie
bang hoef te wees vir onheil of mislukking nie, julle sal te alle tye moet
weet dat so iets nie nodig is nie, wanneer julle in vaste geloof aan My
119