DEEL 3 - Nuweopenbaring::: Welkom by Die Nuwe Openbaring

glo nie, sal nooit tot wysheid, of tot die lig van die insig kom nie. Maar wie
glo, aan hom sal die heerlikste dinge onthul word en hy sal helder en klaar
insien wat vir ander mense onbegryplik is. Hy sal die hele verband kan
begryp en vir hom sal die menswording van God in Jesus soos ‘n
wonderbaarlike opgeloste probleem wees, dat hy geen enkele bewys meer
nodig het nie. En hy sal tog alles duideliker deursien as waartoe die
skerpste verstand ooit in staat is.
En vir ‘n ontwaakte gees maak dit dan ook nie saak welke tydsduur daar lê
tussen die tyd van Jesus se lewe op aarde en die teenwoordige tyd nie.
Want die lewe van Jesus was nie ‘n daad vir ‘n bepaalde kring van mense
nie, maar geld alle mense van die verlede - van vandag - en die toekoms.
Want alle mense sal van Jesus se lewe op aarde verneem, maar geen
bewys van Sy bestaan nodig hê nie, sodra hulle gees ontwaak het nie. Maar
sonder verligting van gees sou ook die strengste bewys nutteloos wees vir
die verkryging van sielsvolwassenheid, want ‘n geloof verkry deur bewyse,
is geen geloof wat die vrye wil respekteer nie; en slegs dit tel. Die verstand
van die mens het niks of maar weinig te doen met die ontwaking van die
gees in die mens, want die ontwaking is ‘n gevolg van ‘n lewe in
onselfsugtige naasteliefde. Daarom is die navorsing van die diepste
verborgenhede nie die voorreg van ‘n aktief werksame verstand nie, maar
slegs die voorreg van hulle wat die gebooie van God onderhou, wat die
mens Jesus op aarde geleer het, naamlik: “Julle moet God liefhê bo alles en
julle naaste soos julleself.”
Die resultaat van die nakoming van hierdie gebooie is die sekerste en
duidelikste bewys van die bestaan van God, want dan lei die Gees uit God
die mens in alle waarheid en gee hom opheldering oor die hele geestelike
samehang, wat die verstand nooit sal kan gee nie. Amen
Die liefde is die sleutel tot die wysheid
7251 10 Januarie 1959
Julle sal verkeerd dink, as julle die gebooie van die liefde tot God en julle
naaste buite beskouing laat. Dit help julle niks, al ondersoek julle nog
soveel en dink julle nog soveel na, sonder ‘n eie lewe van liefde sal die
resultaat van julle ondersoek altyd ‘n mislukking wees, dit wil sê, dit sal nie
aan die waarheid beantwoord nie.
Julle kan die proef egter maak en julle sal verbaas staan, dat en hoe julle
denke verander. Elke mens kan homself tot liefde verander, omdat die
vermoë om lief te hê, vir hom in die hart gelê is en dit meestal by sy wil lê
as hy hierdie gawe nie wil gebruik nie, as hy nie tot liefdevolle handelinge
wil oorgaan nie. Daarom sal maar weinig mense hierdie proef wil doen en
tog kan hulle hulself daardeur so maklik ‘n bewys verskaf, wat hulle
oneindig sal verbly, omdat dit skielik lig sou word in hulle hart. Dat die
wysheid, die lig van die insig, slegs die gevolg is van ‘n lewe in liefde; wil
162