DEEL 3 - Nuweopenbaring::: Welkom by Die Nuwe Openbaring

Diepste deemoed en die gevoel van eie onvolmaaktheid moet julle steeds
weer na My laat vlug, sodat julle, julleself aan My kan oorgee. Julle moet
steeds poog om slegs My Wil te vervul en waarlik, julle sal van hierdie Wil
van My in julle hart bewus word en daarvolgens werksaam wees.
En die ondersoek moet elkeen wat My wil dien, by homself uitvoer om dan
ook oortuig vir My en My "ryk” te kan uitkom. Want die arbeid in die
wingerd bestaan daarin: Om goeie saad in die lewensakker van die mense
neer te lê: om My Woord te verkondig waar dit maar moontlik is. En om
iets te kan deurgee, moet die mens dit eers self besit, dus moet hy eers die
saad van Myself in ontvangs neem en dit vra ‘n bereidheid en ‘n bepaalde
graad van volwassenheid van die siel. Eers dan kan hy My woord in homself
verneem en dit dan as suiwer evangelie in die wêreld uitdra. Waar My
suiwer woord nou na die aarde gebring kan word, is ook so ‘n “graad van
volwassenheid” bereik; die mens ontvang ware saad wat hy nou sonder
beswaar kan uitstrooi volgens My Wil.
Maar steeds sal die ondersoek aan julleself oorgelaat word, of ‘n geestelike
lering van Myself uitgegaan het en of daar van ‘n "werksaamheid van die
Gees" in die mens gepraat kan word. En julle hart moet vir julle ‘n
antwoord gee, want julle sal dit voel wanneer Ek julleself aanspreek,
wanneer julle maar ernstig die waarheid begeer, wanneer dit julle begeerte
is om Myself te hoor. Ek Self sal My altyd so uiter dat dit wat julle hoor,’n
aanwins vir julle siele sal wees. Ek sal julle liefdevol aanspoor en julle wys
op My gebooie van die liefde, Ek sal julle waarsku teen die nie-benutting
van julle lewe, wat te sien is as julle sonder liefde leef. Ek sal julle
duidelikheid gee oor die doel van julle lewe op aarde, Ek sal die werk van
die verlossing van Jesus na vore bring en julle aanspoor om die weg na die
kruis te neem. Ek sal die duisternis van gees in julle verdryf, deurdat Ek in
julle ‘n lig aansteek. En dit beteken, dat Ek julle kennis laat toekom wat
slegs My Gees aan julle kan oordra. En gebruik dit dan as toets of julle
geestelike wins behaal en of dit leë woorde is sonder inhoud, wat nie in
staat is om indruk op julle te maak nie, wat elke mens uit homself ook kan
spreek, of dat daar wysheid na julle toe straal. Want elke woord wat van
Myself uitgaan, straal My Liefde en Wysheid uit en raak die menslike hart,
sodat hulle wegvlug van hulle geestelike donkerte, dat in hulle hart ‘n lig
ontbrand, sodat die mens Myself leer ken in My Wese, sodat hy antwoord
kan verkry op sy vrae wat die geestelike gebied betref, wat hom as mens
innerlik besig hou.
Steeds uit My Gees Self wanneer Ek die mens regstreeks kan aanspreek en
hierdie Gees spreek tot die gees in die mens wat ‘n deeltjie van My is. Die
woord word opgeneem en deur die ontvanger daarvan aan die medemens
oorgedra. En hierdie gebeurtenis is iets buitengewoon belangrik, daar dit
aan julle mense tog My aanwesigheid bewys, wanneer julle in julleself My
woord sal hoor en omdat My woord met My Krag geseënd is, maak dit ook
‘n geweldige indruk op die medemens aan wie My boodskapper dit bring.
493