DEEL 3 - Nuweopenbaring::: Welkom by Die Nuwe Openbaring

hy sal steeds ‘n uitweg in groot nood vind. Hy sal My hulp sigbaar ervaar
wat Ek aan almal wat na My roep, beloof het.
Want daarom spreek Ek tot julle sodat julle vroeg reeds om krag kan bid en
dan ook in die grootste nood, as julle enkel en alleen op My hulp aangewys
is. Julle sal die hulp ook verkry, want Ek vergeet nie MYNE nie. Maar sorg
dat julle tot MYNE gereken word, roep My aan in julle nood en Ek sal julle
verhoor. Amen
Stry teen eieliefde
7557 23 Maart 1960
Daar word baie van julle verlang wanneer julle nog geheel deur die selfsug
beheer word, want dan beteken dit vir julle ‘n stryd om die egoïsme te
oorwin en dit te verander in onbaatsugtige naasteliefde. Maar julle sal wel
daaraan moet dink dat solank julle maar net vir julle liggaam sorg, julle jul
selfsug bevredig en dat julle vir julleself nie die minste geestelike skatte
versamel wat eens julle rykdom sal uitmaak in die ryk hierna nie.
Julle sal daaraan moet dink dat julle verblyf op hierdie aarde nie vir ewig is
nie, maar dat julle ‘n doel het om te vervul: Om julle wese te verander tot
liefde; want julle betree die aarde as mens met slegs ‘n geringe graad
suiwer onbaatsugtige liefde wat julle nou moet vergroot, Deur eers die
liefde in julle te laat ontbrand. Maar die egoïsme beheer julle en dit sal julle
moet onderdruk, wat altyd ‘n stryd beteken teen alle begeertes wat die
vervulling van liggaamlike welbehae verlang. Julle aandag moet op die
medemens gerig word en die strewe van die mens moet wees om vir hom
werke van liefde te verrig wanneer hy homself, dit wil sê sy wese, wil
verander tot liefde. Terwille van die naaste moet hy leer om afstand te
doen, terwille van die naaste moet hy bereid wees om offers te bring, daar
moet van binne af ‘n drang in hom wees om aan sy medemens goed te
doen en sy selfsug sal steeds kleiner word, hoe sterker die wil van die mens
is.
En daarom lui die gesegde: "Die hemelryk ly deur geweld en alleen hy wat
geweld gebruik, trek dit na hom toe". Wie se eieliefde nog baie sterk is, sal
baie krag moet gebruik om hom te verklein, aan hom word die
bekoorlikhede van die wêreld voortdurend voor oë gehou, want die
teenstander van God sal hom in versoeking bring waar en wanneer hy
maar kan en dit sal moeilik wees om al die versoekings te weerstaan, hy
sal geweld moet gebruik, maar hy sal slaag, sodra sy wil daarna streef, dat
hy sy doel op aarde sal vervul om sy wese te verander. Daar sal vir hom
krag gestuur word, omdat hy wil dat hy sy doel sal bereik. En omdat hy die
doel nastreef, word hy steeds weer op die gebooie van die liefde tot God en
die naaste gewys en as hy van goeie wil is, sal hy eerstens net die
vervulling van sy plig in ag neem, hy sal trag om die gebooie van God te
vervul, totdat hy dan van binne af aangespoor sal word om in die liefde
281