DEEL 3 - Nuweopenbaring::: Welkom by Die Nuwe Openbaring

siel het onbeskryflik gely, omdat Hy uit die Ligryk gekom het en die
duisternis op aarde vir hom reeds ‘n ontsaglike kwelling beteken het.
Die mens Jesus was "My Seun" in Wie Ek ‘n groot welbehae gehad het. Hy
was My met al Sy sinne en met al Sy liefde toegewyd. Hy het Hom tussen
die sondige mensdom verneder en Sy siel het My onafgebroke gesoek, vir
My, Sy God en Vader van die ewigheid. Sy liefde het My gedwing tot ‘n
voortdurende instroming in Hom en so kon die eenwording van mens en
God plaasvind, of anders gesê; die Menswording van God kon met die
volste reg geskied. Want nooit kon Ek vir My ‘n menslike omhulling tot
woonplek kies wat nie suiwer liefde sou gewees het nie, omdat Ek Myself
nie met iets onrein kon verbind nie. Alle onrein substansies was deur die
lydingsweg van die mens Jesus vergeestelik en tegelykertyd was die
sondeskuld afgelos vir die algehele mensdom, omdat Hy homself geoffer
het uit liefde vir Sy medemens.
Die mens Jesus het Myself deur Sy dood verheerlik en Ek het Hom
verheerlik, deur Hom as ‘n sigbare omhulling van Myself te kies vir ewig.
Deur Hom het Ek self tot ‘n sigbare Godheid geword vir al My geskape
wesens, wat hulself "die aanskouing van God" waardig maak. Julle kan vir
julleself, so lank as wat julle op die aarde vertoef, maar net My eindelose
liefde voor oë hou, wat julle help om vry te raak deur die verlossingswerk.
Maar julle sal die werk van erbarming eers in sy geheel diepte begryp
wanneer julleself in die Ligryk ingegaan het, as die lig van die insig julle
weer soos voorheen deurstraal. Dan sal julleself daaraan kan deelneem,
julle sal dit self as werklikheid belewe en nou eers My eindelose Liefde
begryp, wat alles gedoen het om Sy kinders weer terug te wen wat Hy eens
verloor het, deur die groot skuld as gevolg van die afvalligheid van My.
Amen
Hulp van die ligwesens om die mense redding te
bring
7087 9 April 1958
Alle wesens van die lig is buitengewoon aktief om die mense op aarde nog
te help om verlos te word voor die einde kom. En wat daar maar kan
geskied om die doel te bereik, dit gebeur ook van die kant van die
geestelike wêreld, wat in My Wil en opdrag werk.
En so hoef julle, julle ook nie te verwonder, wanneer elke mens so nou en
dan hard aangepak word, wanneer hy moeilike beproewinge moet verduur
of wanneer hy mislukkinges het, want sodra sulke dinge daartoe bydra, dat
die mense tot nadenke gestem word, dat hulle nie alleen aan hul aardse
taak dink nie, word sulke middele alleen maar aangewend van die kant van
hulle wat vir julle sorg.
99