DEEL 3 - Nuweopenbaring::: Welkom by Die Nuwe Openbaring

sodoende aanspreek en salig maak, deurdat My liefdeskrag die wese vir
ewig sal toestroom en in die vorm van My Woord aanraak en salig maak.
Dus is Ek Self die Woord en Ek bewys Myself aan My skepsele deur die
woord, want hulle kan My verneem ook al kan hulle My nie aanskou nie. En
hulle kan ook voel dat Ek hulself aanspreek, hulle God en Skepper van die
Ewigheid af, wie se eindelose Vaderliefde op die manier tot uitdrukking kom
dat daar ‘n verbintenis bestaan tussen die Skepper en die geskapene,
tussen Vader en kind. Die woord sal dus weerklink tot in alle ewigheid,
want die liefde tot die geskapene kan nooit vergaan nie. En daarom sal die
geskapene ook altyd van die liefde bewus word, want Ek sal steeds tot My
kinders spreek en sal My Woord laat hoor in die algehele oneindigheid. Ek
sal nie net die wesens in die ligryk aanspreek nie, maar ook alle mense op
aarde wat nog weinig kennis van die oneindige liefde van die Vader tot Sy
kinders het.
Daarom bedien Ek My van ‘n mens (B.D.) wat haarself vrywillig met My
verbind het en as werktuig dien, want alle mense moet ervaar dat Ek IS en
moet ook ‘n bewys hê in die vorm van My Woord, in die vorm van My
Goddelike liefdesuitstraling. Maar of hulle hulself deur My sal laat aanspreek
en of My Woord hulle harte beroer, dit is altyd net ‘n gevolg van die goeie
wil, wat Ek nooit sal dwing nie. Wie egter die goeie wil het, sal My ook Self
herken in die woord. En wie homself bewustelik deur My laat aanspreek, die
het ook My liefdestraling opgeneem en dit sal nie sonder uitwerking bly nie.
Amen
Verontreiniging van lug - water - voedsel
6855 21 en 23 Junie 1957
Elke mens moet dieselfde van julle kan verwag as wat julle van hom
verwag, Julle moet elkeen regverdig behandel, soos wat julle ook dieselfde
van hom sal verlang. Julle sal nie met verskillende mate meet nie en om
selfs te dink dat julle groter regte het as julle medemens nie, wanneer dit
daarom gaan dat julle wins maak van dit wat gratis van My aan julle
geskenk is, wat julle nie self vir julle verwerf het nie, maar wat alle mense
ook netso tot beskikking staan, waaronder geestelike en aardse goedere te
verstaan is wat My Liefde en My skeppende Wil altyd vir julle bereid hou.
Daarby behoort dus alle gawes wat julle uit My hand ontvang, wat julle nie
vir julself sou kon maak nie, wat daar sonder julle toedoen is en wat dus
tot julle bestaan bydra, wat dus vir julle natuurlike lewe vereis word en wat
aan geen mens onttrek mag word nie, wanneer sy lewe daardeur in gevaar
gebring sal word. Dit is die stoflike ten behoewe van die lewe, waarop elke
mens aanspraak moet kan maak, wat hom van die kant van die medemens
ook nie ontneem mag word nie, anders sal dit ‘n oortreding van My ewige
ordening wees en verrykende gevolge hê, wat nie alleen gevoel sal word
deur die skuldige mense nie, maar ook wat die skepping aanbetref en
gevolglik ook tot die ontbinding daarvan kan ly.
6