DEEL 3 - Nuweopenbaring::: Welkom by Die Nuwe Openbaring

Verklaring vir die ongewone kennis
7916 11 Junie 1961
Wye velde van kennis word aan julle geopenbaar as julle My woord van bo
in ontvangs sal neem, want Ek Self lei julle na kennis wat julle nie
verstandelik kan verwerf nie.
Julle wat julle medemens moet onderrig, moet self onderrig word in alles
wat daar nodig is om te weet vir julle. Julle moet egter ook elke teenstand
kan weerlê as dit daarom gaan om die enigste waarheid te verdedig, as
verstandsmense die geestelike dinge probeer ontkrag. Dan moet julle elke
stelling kan verklaar. Daarom moet julle vooraf met ‘n diep geestelike
kennis bekend gemaak word, wat slegs deur My direkte aanspreeking kan
geskied.
Maar om julle regstreeks aan te spreek, kan Ek slegs doen wanneer julle,
julleself so gevorm het deur ‘n lewe volgens My wil, dat My Gees Hom oor
julle kan uitstort. Eers dan sal julleself ook dit begryp wat as diepste kennis
tot julle kom, om welke rede daardie selfde kennis, as dit van mens tot
mens deurgegee word, ook slegs vir diegene begryplik is en deur hulle as
waarheid ingesien word, wat ‘n lewe in liefde lei en dus ook die gees in
hulle tot ontwaking gebring het. Die geestelike kennis is omvangryk. Maar
altyd kom dit in die maat tot julle soos wat julle dit nodig sal hê om eers
self volwasse te word en ook die belangrike opdrag te kan voltooi, wat
julleself in vrye wil op julle geneem het.
En met die oog op die naderende einde het ‘n uitgebreider kennis nodig
geword. My heilsplan van ewigheid, moet aan die mense voorgelê word,
sodat hulle die belangrikheid van hul aardse lewe kan insien en alles doen
om die lot van ‘n hernieude kluistering te ontsnap. En dié heilsplan omvat
die ontwikkelingsgang van al die geskapenes: Die oorsprong, die
teenswoordige toestand en die doel van almal wat uit die krag van My
Liefde voortgekom het.
Die kennis is omvangryk en vir baie mense nuut. Want tot nou toe het die
noodsaaklikheid om daaroor onderrig te word, nie bestaan nie. Maar die tyd
van die einde vereis dat die mense nou in die kennis daaroor ingelig word,
sodat hulle meer bewus kan word van hulle verantwoordelikheid teenoor
die lewe. En hulle moet ook ‘n besef hê van die eindelose lang gang oor die
aarde wat hulle al in hulle sielsubstansies afgelê het. Ook die kennis is vir
hul vreemd en hulle neem dit daarom moeilik aan. Hulle word ook nie
gedwing om dit te glo nie, maar in hul gedagtes kan hulle hul standpunt
teenoor dit bepaal en daaruit voordeel trek.
Nooit kan ‘n mens egter, deur middel van sy verstand sulke kennis,
betreffende My bestuur en werksaamhede bekom wat My Wese verklaar,
wat vir alles ‘n motivering gee, ook vir die komende gebeurtenisse, vir die
omvorming van die aarde, vir die ommekeer wat hom geestelik en aards
voltrek. So ‘n kennis kan alleen van bo tot julle kom, van Myself. Dit kan
430