DEEL 3 - Nuweopenbaring::: Welkom by Die Nuwe Openbaring

die ryk hierna. Ek wil dat hul weg oor die aarde nie vergeefs is nie en
daarom moet julle mense in alles alleen My wil en My toelating sien en julle
berustend aan My wil oorgee. Amen
Die seën van siekte - Barmhartigheid om plotseling
weggeroep te word
6989 9 Desember 1957
Dit is ‘n wesenlike faktor in die aardse lewe, dat julle van die taak bewus
moet wees wat julle as mens te volbring het. Steeds word dit vir julle gesê,
dat die lewe op sigself geensins belangrik is nie, dat dit dus nie daarom
gaan dat die liggaam al sy funksies uitoefen nie en of dit daar is nie,
inteendeel, dat dit alleen maar oor die siel gaan wat in die liggaam woon en
dat alle liggaamlike vermoëns gebruik moet word tot welsyn van die siel,
dat hy die weg uit sy erbarmlike toestand sal vind en die doel bereik wat vir
die geestelike gestel is. Die siel kan selfs heelwat vinniger volwasse word in
‘n siek liggaam, op voorwaarde dat die mens sy doel op aarde ernstig
opneem.
En beskou die mens nou sy liggaam steeds alleen as die opnamehouer wat
vir die siel nodig is vir sy verdere ontwikkeling en trag hy nou alleen om die
houer te onderhou, dit te versorg en dit in staat te stel om weerstand te
bied, dan leef hy ook sy lewe bewustelik en dan hoef hy ook nie te vrees
dat sy liggaam te kort sal skiet, voordat die siel sy moontlike
volwassenheid bereik het nie.
Daarenteen is dit anders by mense wat geen enkele verantwoordelikheidsbesef
het teenoor hulle siel nie. Hulle kan liggaamlik buitengewoon
goed gesteld wees en onverwags hul lewe verloor, omdat hulle nie aan
hulle siel gedink het nie en daarom geen enkele verdere ontwikkeling
getoon het nie, sodat die bestaan op hierdie aarde heeltemal sonder sin en
doel was en die siel daarom van sy uiterlike omhulsel geneem is, sodat hy
in die ryk hierna nog die moontlikheid kan hê om opwaarts te gaan.
Die gesondheid van die liggaam is so ‘n groot barmhartigheidsgeskenk dat
ook daarvan gebruik gemaak moet word, maar nie in aards materiële sin
nie, maar tot heil van die siel. ‘n Siek liggaam is egter eweneens ‘n barm-
hartigheid vir die mens wat hom nie afsluit vir die toestroming van God se
barmhartigheid nie, want dit is allerweë ‘n deur God geplaasde verskansing
teenoor die wêreld. Die oorwinning van die wêreld word vir die mens maklik
gemaak en die siel word ‘n groot hulp gebied. Maar die mens moet hom
bewustelik buig onder die Wil van God en ook die swakheid van sy liggaam
as ‘n barmhartigheids geskenk beskou, omdat uiteindelik, nie die
liggaamlike lewe nie, maar die lewe van die siel, die doel is van die gang
oor die aarde as mens.
En daarom sal ook die siel van ‘n mens alleen volwasse word wat op hoogte
is van sy eintlike taak en dit ook wil vervul. Want hy word op elke manier
50