DEEL 3 - Nuweopenbaring::: Welkom by Die Nuwe Openbaring

Die verstand vra egter dikwels die medemens om raad en hy kan, as hy
ook nie innig genoeg met My verbonde is nie, ook verkeerde raad gee.
Daarom kan Ek ook maar selde die suiwer waarheid na die aarde stuur,
omdat die innigste verbinding met My daartoe nodig is, wat alle
tussenbeide kom van ander kragte verhinder. En daarom behoed slegs die
mens wat hierdie innige verbinding met My tot stand gebring het, homself
van verkeerde invloede of dwaling en sal iedere invloede van buite af afwys
en sal slegs luister na wat Ek Self vir hom sê deur die hart.
Wel is dit My Wil dat julle mense, julle verbind in liefde, dat die een die
ander versterk en ondersteun in die geloof, dat julle as broeders teenoor
mekaar staan en gesamentlik na My as julle Vader streef. Maar Ek wil ook
dat elkeen persoonlik kontak met My maak. Ek wil dat julleself by My om
raad kom vra, dat julleself met alle geestelike en ook aardse bedes na My
toe kom, sodat Ek dit vir julle kan vervul.
Ek wil ‘n direkte verbinding met My hê, as dit om persoonlike vrae en
wense gaan. Terwyl Ek andersyds vir julle My tussenpersone en bodes
stuur wat julle moet aanhoor; as julle geestelike onderrig moet ontvang
wanneer My evangelie tot julle gebring moet word. Begryp dat Ek deur My
werktuie tot julle sal spreek en dit altyd sal doen, as dit daarom gaan dat ‘n
geestelike kennis aan julle oorgebring moet word, omdat julleself nog nie in
staat is om so ‘n leer of diepere wyshede direk aan te neem nie. Dan sal Ek
steeds sê; luister na My bodes en vervul My Wil. Maar nooit sal Ek julle
leringe deur julle medemens laat toekom, behalwe die met geestelike
inhoud nie, omdat julle met elke persoonlike versoek self na My toe moet
kom. Julle moet leer om onderskeid te maak tussen die "stuur van My
Woord" en die "persoonlike aanspreking" wat elkeen kan ontvang wat self
innig met My verbind is, terwyl My woord ‘n spesiale tussenpersoon of
opnamehouer nodig het om as stroom van die Gees daar te kan invloei. En
julle moet daarom ook oplettend wees en weet dat julle maklik in die
valkuil (van dwaling) kan stort, want waar My teenstander nog ‘n menslike
swakheid bemerk, kan hy maklik binnesluip en dit self tot sy nut gebruik.
Maar julle kan hiervan seker wees, dat Ek My woord sal beskerm teen elke
dwaling, teen die invloed van My teenstander omdat Ek julle mense na die
waarheid wil lei. Maar julle moet nie elke Woord ligtelik glo wat julle
tegemoet kom, as dit geestelik oorgebring word nie. Julle moet ernstig
ondersoek of die inhoud slegs van geestelike aard is, of dit die meer
volwasse word van julle siele ten doel het, of dit dan van My af, vir die heil
van julle siele gegee is en bestempel is. Maar julle eie begeertes moet
julleself aan My toevertrou en Ek sal ook julle dan self aanspreek deur die
hart en julle sal dan ook weet wat julle moet doen of laat staan. Amen
404