DEEL 3 - Nuweopenbaring::: Welkom by Die Nuwe Openbaring

dink na en omdat hulle van goeie wil is, kom hulle ook geleidelik tot die
insig wat die doel van hulle aardse lewe is. Maar hiervan is daar weiniges
en selde slaag ‘n mens om sy medemens op dieselfde weg te lei en aan
hom sy eintlike bestemming geloofwaardig te maak.
En daarom kan daar ook van ‘n geestelike laagtepunt gepraat word,
waardeur daar ‘n verandering nodig is wat ‘n ontbinding van die skepping
tot gevolg het, wat ‘n aardse en geestelike ommekeer onvermydelik tot
gevolg moet hê. Daar was dikwels tye gewees waarin die mense goddeloos
geleef het, waarin daar baie onreg geskied het en sataniese drifte duidelik
te sien was. Maar nou het hierdie toestand die oorhand gekry, byna alle
mense lei nou ‘n oppervlakkige lewe, hulle vra hulself niks meer af nie,
hulle het geen verantwoordelikheidsgevoel nie, hulle ontwikkel sonder
geloof of hou hulself slegs besig met ‘n vormgeloof, wat egter heeltemal
waardeloos is vir die ontwikkeling van hulle siele. Hulle dwaal in verkeerde
denke, hulle is ver van die waarheid en kan dit ook nie vind nie, omdat
hulle sonder liefde is.
En daaraan lê dit wat die mensdom skeel, dat die liefde verkoel het, dat die
mense gladnie meer in staat is om te glo aan ‘n God en Skepper wat in
Homself Liefde, Wysheid en Mag is en aan Wie hulle hulself eendag sal
moet verantwoord vir hulle lewenswandel nie.
Die liefde ontbreek hulle en daarmee die insig dat hulle geestelik blind is en
afdwaal na die afgrond. Want die einde kom onherroeplik en daar moet
eens weer orde op dinge gestel word, dan sal die opwaartse ontwikkeling
weer voortgaan, want daarom bewoon die mens die aarde.
Wat vir die einde nog te red is, sal gered word, omdat die liefde van God
oral ekstra help waar slegs die geringste wil tot die goeie aanwesig is. Maar
dit sou verkeerd wees om daarop te reken dat die mense hulle sienning
teenoor God en sy geloof sal verander. Dit sou verkeerd wees om te reken
op ‘n geestelike ommekeer op hierdie aarde. Want die mense het God se
teenstander te veel mag gegee en dit benut hy ten volle.
Aan sy drifte moet eens ‘n einde kom, van die kant van God af moet die
mag van hom ontneem word, sy tyd moet beëindig word en dit beteken
ook dat alles wat aan hom behoort, netsoos hy self gekluister moet word,
waardeur sy bose inwerking vir ‘n lang tyd gestop sal word. En dit vereis
ook ‘n ontbinding en omvorming van die skeppings op aarde wat iets
geestelik bevat, wat daarom ‘n nuwe skepping nodig maak, sodat ‘n nuwe
aarde sal ontstaan, sodat die geestelike ontwikkeling kan voortgaan.
En God weet wanneer die tyd daarvoor gekom het. Hy weet wanneer die
mensdom sy dieptepunt bereik het, wanneer ‘n omvorming van die aarde
en al sy skeppings nodig is en volgens die plan van die Ewigheid sal Hy
Hom ook aan hierdie tyd hou. Amen
292