DEEL 3 - Nuweopenbaring::: Welkom by Die Nuwe Openbaring

En so moet ‘n mens wat homself weer verander tot liefde onafskeidelik met
My verbind wees, hy moet weer soos in die begin deur My Liefde deurstraal
word, hy moet so dig by My wees, dat ons innig versmelt is deur die liefde
en dus moet sy terugkeer na My dit laat plaasvind, wat die betekenis en
doel van sy aardse lewe was.
En met die verbintenis is daar geen terugval meer na die diepte nie, die
wese het sy wilsproef deurstaan, julle het van skepsel van God tot kind van
God geword, julle het die volmaaktheid op aarde bereik, julle het weer alle
eienskappe en vermoë opnuut verkry wat julle eens deur julle afval van My
prys gegee het. En Ek het nou My doel bereik, My heilsplan van ewigheid is
by die wese met sukses gerealiseer, d.w.s. wat Ek nie kon skep nie is deur
die heilsplan bereik: wesens wat aan God gelyk is, kinders wat tot
volmaakte wesens word deur die vrye wil, nie deur My Almag nie.
Nou eers het Ek ware kinders, wat in alles My ewebeeld is, wat naas My en
in My Wil kan skep en werk en tog hul eie wil gebruik, wat egter gelyk gerig
is met Myne, omdat die volmaaktheid dit waarborg.
En julle mense kan die doel bereik, want Ek Self verlang vurig na die
aaneensluiting met julle en Ek sal waarlik alles doen wat julle na julle doel
voer, wanneer julle wil hom maar aan Myne onderwerp wanneer julle,
julleself gewillig onder My leiding stel, wanneer julle tenvolle bewus streef
na die vereniging met My en wanneer julle in liefde leef en dit al hier op
aarde. Dan kom julle met elke werk van liefde digter aan My, dan laat julle
My teenwoordigheid in julle toe en dan moet ook die vereniging plaasvind,
want: “Wie in die liefde bly, die bly in My en Ek in hom” Die liefde is dan die
verbintenis wat ons saambind en nou ewig onverbreeklik is. Amen
‘n Ernstig verlange na waarheid waarborg dit ook
7629 22 Junie 1960
Begryp dit tog, dat alleen die ernstige wil om die waarheid te weet
aanwesig moet wees om dit ook te kan ontvang. Selde word egter hierdie
ernstige wil aangetref, ofskoon alle mense beweer om te strewe na die
waarheid. En tog is dit alleen maar ‘n gesegde wat by mense gebruiklik is,
sonder dat hulle daaroor nadink, want die verlange na die waarheid moet
diep in die hart ontwaak en die mens nie meer loslaat nie. Hy moet niks
meer vrees as om in dwaling te raak nie, hy moet daarom hom in sy hart
tot My wend en My bid om hom die waarheid te laat toekom en dit sal hom
dan ook gegee word.
Het die mens egter ‘n bepaalde kennis ontvang en hou hy aan hierdie
kennis vas sonder om dit ernstig te ondersoek vir waarheidswaarde, dan is
dit ook moeilik om hom van die waarheid te oortuig as dit nie met sy
kennis ooreenstem nie. Want dan verweer hy hom daarteen, as hy nie
bereid is om sy eie mening op te gee en vir die suiwere waarheid te verruil
nie. Dan ontbreek hom die innerlike verlange na die waarheid en hy sal dan
314