DEEL 3 - Nuweopenbaring::: Welkom by Die Nuwe Openbaring

ondersteun hom, hul giftige asem verswak die weerstand waar hulle
invloed nie tenvolle kan deurdring nie.
As hierdie gesante van die hel en hulle prins hul bedoeling openlik sou wys
sal hulle sekerlik herken word en weerstand vind. Maar hulle werk in die
geheim, hulle verberg hulself inderdaad agter ‘n masker van deug, hulle is
nie bevrees om ‘n kleed te gebruik wat veronderstel is om reinheid en
integriteit voor te stel nie. En daardeur wen hulle ook mense wat nie bereid
is om in die hande van die vyand van hul siele sy te val nie. Maar hierdie
was nie waaksaam nie en slaag nie daarin om die regte gebed in Gees en in
waarheid na My te stuur nie. Hulle het self reeds te oppervlakkig geword
anders sou hulle nie deur hierdie misleidings bedrieg word nie, of hulle sou
die vyand ondanks sy masker herken. Die wil vir die goeie, die verlange na
My, is nie sterk genoeg in hulle wat hulself toelaat om bedrieg te word nie.
Want Ek sal waarlik elkeen beskerm wat nie bedrieg wil word nie en Ek sal
sekerlik nie toelaat dat hulle deur hom oorgeneem word as hulle wil geheel
op My gekonsentreer is nie. My teenstander werk met sluheid en bedrog.
Dit is bekend aan alle mense en daarom sou elke persoon waaksaam moet
wees en hom nie deur listige bedrog laat verras nie. Hulle moet altyd na My
kom en My om helderheid vra, hulle moet hulle elke oomblik aan My en My
beskerming aanbeveel. Dan sal die teenstander hulle nie kan bedrieg nie en
die wil van die persoon self sal die gevaar afweer, wat nie deur My
teenstander gedwing kan word nie, maar wat altyd deur My versterk sal
word as hy stewig gekonsentreerd op My bly en hierdie opsie is beskikbaar
aan almal, omdat elkeen oor My Woord ingelig is, wat My wil openbaar en
wat die mees effektiewe beskerming en magtigste wapen is teen hom wat
julle wil bederf. Amen
Sataniese aktiwiteit - Die teenaktiwiteit van die
ligwesens
7049 26 Februarie 1958
Die hel het sy poorte geopen en die bewoners van hierdie hel hou lelik huis
op die aarde, deels as mens beliggaam, deels geestelik inwerkend op die
gedagtes van die mense, of ook wel dat hulle die eie wil van die siele
binnedring en hulle liggame in besit neem. Daarom sal die aktiwiteit van
Satan duidelik in die eindtyd te siene wees, want die mense bied te min
weerstand aan hom, omdat die krag van die liefde hulle ontbreek, waarteen
hy geheel magteloos is.
Maar van God se kant word die mense ook hulp verleen vir soverre die
mense dit wil aanneem, want ook van Sy kant is 'n ongewone
werksaamheid te bemerk en in gelyke mate, as die magte van die duister
wêreld homself uiter en die mense buitengewoon benoud maak; is ook die
kragte van die lig aan die werk wat eweneens die mense deur middel van
gedagtes bystaan. Maar ook in die vlees beliggaam kom hulle die mense te
78