DEEL 3 - Nuweopenbaring::: Welkom by Die Nuwe Openbaring

Maar die hoeveelheid van sulke gebeurtenisse, wat ook nog sal toeneem,
moet vir julle begryplik word, wanneer julle ook aan die groot aantal van
hulle dink wat net so ‘n geestelike lewensopvatting het. En as Ek maar net
‘n paar van hulle sou wen, wanneer hulle hulself net ‘n paar keer deur My
laat toespreek deur sulke slae van die noodlot, wanneer hulle
belangstellingsfeer nou verander en hulle hulle manier van denke wat hulle
tot nou toe gehad het, laat vaar; dan sou Ek veel bereik het en was die slae
van die noodlot tot seën. Want tot aan die einde van die lewe van elke
mens worstel Ek om sy siel, om hom die eindelose lang tyd in die ryk
hierna te bespaar waar dit sonder lig in hom sal wees en alle inspanning
wat by sulke siele onderneem word, vrugteloos bly.
Wat die mens op aarde bereik, beteken ‘n aansienlike voorsprong, wat die
siel in die hiernamaals nie meer kan inhaal nie. En omdat juis hierdie
mense op aarde in die meerderheid is, is dit begryplik dat Ek My toevlug tot
steeds sterker middele moet neem, wat julle wat gelowig is, nie vir julleself
sal kan verklaar as gebaseer op My Liefde nie. Maar julle is nie op hoogte
van die nood van sulke siele nie, wat eindelose lang tye kan duur, julle
weet nie hoe waardevol één dag op aarde is waarin julle bewustelik die doel
nastreef nie en hoeveel dae dus totaal nutteloos geleef word deur diegene
wat Ek ook sou wil wen vir My en My ryk. En die smartlikste gebeurtenis
kan as die grootste barmhartigheid beskou word, wanneer dit ‘n mens
daartoe bring om bewustelik na die doel te streef. Want die aarde sal
vergaan en niks sal vir die mens oorbly wat steeds maar net sy aardse lewe
geleef het nie. Maar die geesteryk bly bestaan, vir die siel kan dit alleen vir
ewige tye tot ‘n smartlike verblyf word, wanneer hy homself afsluit van die
lig wat aan hom gebring word. Amen
Die geskenk van God: ’n vonkie van Sy Liefde
6941 11 Oktober 1957
Lig en krag is dit wat julle ontbreek, omdat julle nog onvolmaak is. Sonder
lig en krag sal julle ook nie tot volmaaktheid kom nie en julle mense, sou
sonder hoop in ‘n ellendige toestand beland, wanneer geen hulp aan julle
verleen word nie en julle nie eers lig en krag gegee word, wat dit vir julle
moontlik maak om die toestand van volmaaktheid te bereik nie. Julle weet
dus by die begin van julle aardse lewe niks oor hierdie samehang, oor die
sin van julle aardse lewe en julle opdrag hierin, julle is totaal sonder
kennis. Die lig ontbreek julle. En as julle die lig gegee word, sodat julle dus
onderrig kan word oor julle aardse taak, dan ontbreek die krag julle tog
nog om die geestelike volmaaktheid te bereik, solank julle vir julleself geen
krag verwerf nie - wat steeds alleen deur die werking in liefde kan gebeur.
En om hierdie krag te verkry, dus te werk in liefde - ontbreek die wil julle
meestal, omdat julle onvolmaakte toestand ook ‘n verswakte wil beteken.
28