DEEL 3 - Nuweopenbaring::: Welkom by Die Nuwe Openbaring

probeer om die hoogste doel te bereik, want hy sal vas verbind bly met My.
Amen
Waarom word die mense die herinnering aan vroeër
ontneem ?
7127 22 Mei 1958
As julle, julle aardse lewe sou sien as die laaste periode van ‘n eindelose
lang ontwikkelings proses, dan sou julle ook met groot ywer die laaste kort
stukkie aflê. Julle sou geen moeite ontsien om julle ontwikkeling omhoog in
hierdie kort tydjie van julle aardse lewe, tot ‘n suksesvolle einde te bring
nie. Omdat julle egter die herinnering ontneem is en julle alleen iets oor
hierdie kort lewensweg op aarde weet, bring julle ook geen besondere ywer
op nie. Julle is inteendeel onverskillig teenoor wat voor julle lê; julle dink
nie baie na oor wat julle te wagte is na die aardse lewe nie. Tog moet julle
sonder hierdie herinnering aan vroeër deur die lewe gaan om julle wil,
denke en handel nie te laat bepaal nie. Maar sou julle ook kan terugkyk,
dan sou julle deur ontsteltenis nie meer tot lewe in staat wees nie, of julle
sou, deur groot vrees gedryf, alles doen wat van julle verlang word om die
verskriklike lot te ontkom en vry te word uit die materiéle vorm.
Ek sou dus wel die mag hê om julle tot ‘n lewenswandel aan te spoor wat
voldoen aan My wil, as Ek julle ‘n kykie sou laat neem in die verlede. My
liefde tot julle is egter groter en wil julle ‘n onbeperkte geluk berei, wat
egter die dwing van die wil uitskakel. Om onbegrens salig te kan wees
moet julle in volle wilsvryheid so lewe, soos dit met My wil, d.w.s. met My
ewige orde ooreenkom.
Julle moet insien dat dit ‘n werk van erbarming en van My liefde is, dat Ek
die herinnering aan die verlede van julle weggeneem het. Enersyds om julle
die kennis van ‘n oorwonne lewe op aarde te bespaar en andersyds om julle
die toegang tot saligheid moontlik te maak wat onbegrens is. Maar sonder
kennis laat Ek julle nie, al is sulke kennis onbewysbaar. Julle verneem dus
iets oor julle vorige toestand, maar dit beswaar julle nie buitengewoon nie
want julle het dit al oorwin.
Die kennis daarvan sou julle ook tot ‘n groter geestelik strewe kan
aanspoor, wat dan egter altyd in volledige vryheid van wil verloop en julle
dan ook seën oplewer. Sodoende kan Ek julle steeds maar aanraai: wys
niks af maar neem alles in oorweging wat julle oor die sin en die doel van
julle aardse bestaan voorgelê word. En betrek by julle beskouing ook die
kennis, wat julle oor die voorafgaande toestand van julle beliggaming
onderrig is. Oorweeg dit en leef julle aardse lewe so dat julle dit vir julleself
kan verantwoord, dan hoef julle ook geen verantwoording teenoor My te
vrees nie. Glo dat julle aardse bestaan nie sinloos is nie en ‘n ander doel
het as slegs die onderhoud en bevrediging van die liggaam, wat verganklik
is en waarvan julle die lewensduur self nie kan bepaal nie.
115