DEEL 3 - Nuweopenbaring::: Welkom by Die Nuwe Openbaring

mensdom verkeer. Julle moet wil help omdat julle kan insien hoe die
mensdom die afgrond tegemoet gaan, julle moet onverpoos werk, omdat
sulke werk nodig is met die oog op die naderende einde.
Dan sal dit vir julle duidelik word waarom julle deur My van die wêreld
afgesonder en getrek was, as julle oog alleen maar op julle opdrag gerig is
wat julle moet vervul. Julle sal dan ook verstaan dat Ek steeds opnuut
getroue knegte wil werf wat aan hierdie arbeid wil deelneem en aan hulle
medemens die evangelie van die liefde wil verkondig. Want die mense moet
My woord hoor wat Ek steeds weer aan hulle deur julle laat verkondig. Julle
sal verstaan dat Ek aan alle deure "aanklop", dat Ek julle vooruit stuur om
My, julle God en Vader aan te kondig. Want Ek wil Self kom en by alle
mense My intrek neem.
Self kan hulle My nog nie hoor nie, daarom moet julle vooruitgaan omdat
Ek hulle via julle kan aanspreek. Dit is nodig dat hulle van My kennis neem
en van My Liefde, wat hulle nog wil red vóór die einde sal kom. Daarom
moet alles gedoen word om hulle te laat kennis neem dat Ek deur My Gees
werk in die hart van elke mens wat van goeie wil is. Julle moet derhalwe
onbaatsugtig en liefdevol oor My en My openbaringe praat, julle moet hulle
My woord bring wat met My krag geseën is. Julle mag nie moeg word om
die geestelike nood van julle medemens vir julle aan te trek nie, terwyl julle
daartoe bydra dat My woord versprei word. Ek self sal die soekende mense
na julle toe bring en julle die geleentheid gee om met hulle in kontak te
kom en alle arbeid wat julle dan onbaatsugtig doen vir My en My ryk, sal Ek
seën. Amen
matigheid en kastyding
7736 2 November 1960
Wat julle ook al mag beweeg om in soberheid te lewe, julle mag daardeur
julle liggaam nie verswak nie, want dit gee Ek julle sodat julle siele daarin
tot volwassenheid kan kom en julle het die plig om te sorg vir die houer
van julle siele solank julle op aarde leef. Julle sal begryp dat ‘n verswakte
liggaam nie die taak kan vervul wat dit deur die lot toegewys word nie en
Ek wil dit waarlik nie dat julle, julleself ongeskik maak, ook vir die arbeid
wat julle aards het om te verrig.
En ook julle geestelike ontwikkeling maak Ek nie daarvan afhanklik dat
julle, julleself kasty nie, dat julle nie julle liggaam weerhou van wat dit
nodig het vir sy instandhouding nie, wat dien om dit sterk te maak. In die
aardse lewe word eise aan julle gestel wat julle moet nakom om ook ‘n
bruikbare lid van die mensdom te wees. En daartoe het julle ook krag
nodig, wat julle steeds weer moet vernuwe deur die liggaam spys en drank
te besorg in die regte hoeveelheid. Maar julle moet die perke nie te buite
gaan nie, want dit is waarlik nie van nut vir julle nie. Maar julle moet ook
die liggaam geen gebrek laat ly en dit daardeur verswak nie, want so iets
358