DEEL 3 - Nuweopenbaring::: Welkom by Die Nuwe Openbaring

Dog hulle is nie te oortuig van hul verkeerde denke nie, anders sou hulle
moeite doen om dieper in te dring en hulle sou hul met ‘n lewendige gees
besighou met die tot dusver dooie kennis wat hulle besit. Daar is egter
maar weinige wat daar geen genoë mee neem nie en nou op soek gaan om
die waarheid te vind. En hierdie weiniges sal dit ook vind omdat hulle in hul
binneste Myself soek, Wie die ewige Waarheid is.
Maar alle mense kan My soek, want alle mense kan dink en elke ernstige
gedagte sal hulle op die regte weg lei, omdat Ek Self steeds bereid is om
My Hande uit te strek en almal wat lig verlang uit die duisternis in die lig te
trek. Dog voordat ‘n mens nie insien dat hy hom op die verkeerde weg
bevind nie, soek hy ook nie na die regte weg nie.
En die mense glo dat hulle op die regte weg is, omdat dit hul ingeprent
word deur leiers wat self nog nie die regte weg gevind het nie. En so is dit
aan elkeen persoonlik oorgelaat. Maar indirek word ook elkeen afsonderlik
steeds weer gehelp. Hy word in gedagtes aangespoor om oor homself na te
dink en hom af te vra hoe hy hom wel staande sal hou as hy hom moet
verantwoord voor My. En as hy by sulke innerlike vrae ‘n langer tyd bly
stilstaan, sal Ek hom dit ook beantwoord, want alleen sy wil vra Ek, dat hy
hom bewus na My wend. Dan sal Ek nooit van sy sy wyk tot hy op die regte
weg gaan, waar hy My soek en heel seker ook sal vind. Amen
Die stryd teen eieliefde
7294 27 Februarie 1959
Julle mag alleen maar ‘n geringe mate van eieliefde hê, dan sal dit vir julle
ook makliker wees om My gebooie van die liefde tot God en die naaste te
vervul. Die eieliefde kan nie klein genoeg wees nie, want dit alleen hinder
die mense by die onbaatsugtige naasteliefde, wat die vernaamste is in die
aardse lewe, wil die siel volmaaktheid bereik.
Die eieliefde kleef alle mens aan as erfdeel van hom wat geheel sonder
enige liefde is, wat homself bo alles liefhet, anders sou hy nie My
teenstander en vyand geword het nie, wie vir homself alles opeis en My alle
gesag wil betwis. Hy wil alles besit en alle wyse van eieliefde is verlange na
besit, dus die uitvoering van sy planne het hom verwyder van My, Wie die
ewige Liefde is.
Solank die eieliefde in die mens nog oorheers, solank sal hy vir die naaste
niks oor hê nie en solank sal sy wese ook nie tot liefde verander nie, wat in
die eerste plek die bestryding van die eieliefde vereis. En so kan dit julle
steeds alleen voorgestel word dat julle nog onder die invloed van My
teenstander staan, solank die eieliefde in julle nog oorheersend is. En dit
moet julle aanspoor tot stryd teen julleself.
Julle moet altyd julle eie wense teenoor die nood van julle medemens stel
en dan probeer om steeds meer aan julle naaste te dink en terwille van
hom afstand te doen van julle wense. Dan sal julle siele ‘n geweldige
177