DEEL 3 - Nuweopenbaring::: Welkom by Die Nuwe Openbaring

Ware naasteliefde: Die deurgee van die woord
7708 24 September 1960
Julle kan geen groter werk van naasteliefde doen as met die verspreiding
van My woord nie, die evangelie, wat julle medemens moet hoor om ook
hul aardse weg met sukses te kan af lê.
Geestelike goed word egter van die kant van die medemens nie gewaardeer
nie omdat dit geen aardse sukses oplewer nie. Dog sodra julle geestelik
werksaam is en op geen aards loon reken nie en altyd alleen maar die
medemens laat weet wat Ek self julle van bo aanbied, verrig julle waarlik
werk van naasteliefde wat tot in die ewigheid oprys. Julle help die siele om
volwasse te word, hulle kan hulle voorberei om binne te gaan in die ligryk,
as die siel sy stoflike liggaam aflê en alles moet agterlaat, dan kan hulle in
besit wees van geesterykdomme, wat hulle met hul saamneem in die
ewigheid. Julle moet gee en uitdeel net soos Ek aan My disipels uitgedeel
het, die brood van die hemel en die water van die lewe. Dit is die grootste
liefdedaad, wat julle, julle medemens op aarde kan bewys. Dit is die ware
naasteliefde, as julle onbaatsugtig die werk verrig wat nodig is om My
Woord deur te gee. Want Ekself wil deur julle die mense aanspreek omdat
hulle My Stem nie regstreeks kan hoor nie.
Die mense is in groot nood, want hulle gebruik hul aardse lewe alleen vir
aardse gewin. Terwyl hulle eerder aan hul siele moet dink, wat tot
volwassenheid moet kom tydens die lewe op aarde. Wat julle nou doen om
julle medemens op die weg van die geloof te bring, wat julle in My opdrag
op julle neem om hulle dus die evangelie te verkondig, is onbaatsugtige
naasteliefde en deur My geseën. Julle is julleself nog nie bewus van die
groot gawe wat julle daagliks van My mag ontvang nie. Julle kan die
waarde en betekenis nog nie insien nie, want anders sou julle almal wat op
hoogte is van My werk deur die Gees, ywerig wees in die verspreiding van
dit wat julle deur My Liefde en Genade toegestuur word.
Julle begryp dit nie dat julle ‘n saadjie kan uitstrooi wat heerlike vrugte kan
afwerp. Julle mag die saad nie ongebruik laat lê nie en julle moet julle
steeds op My hulp verlaat. Want waar julle in nood raak, daar staan My
engele en beskermers gereed om julle te help en julle te versorg, sodat
julle geestelike arbeid gedoen kan word, sodat julle diegene hulp bring wat
sonder julle die ware weg nie kan vind nie. Want daar is nog vele wat Ek
deur julle wil aanspreek en Ek het daartoe slegs julle wil nodig om My
ywerig te dien.
Ek neem julle dienste aan, want Ek kan alleen deur 'n mensemond spreek,
omdat die gesteldheid van die mense ‘n te lae vlak bereik het dat Ek hulle
anders sou kan aanspreek, omdat hul wilsvryheid gehandhaaf moet bly.
Maar dit sal julle krag gee, dat Ek julle My beskerming en ondersteuning
verseker sodra julle maar die wil het om julle oor julle naaste te bekommer
in geestelike nood.
345