DEEL 3 - Nuweopenbaring::: Welkom by Die Nuwe Openbaring

is steeds My sagte stem, waarmee Ek die kind lok en op ‘n ander weg roep,
op die weg wat hom waarlik sukses sal oplewer en hom na die doel sal
voer, na sy ware bestemming, na die sin van die aardse lewe.
Die wil van die mens is dikwels anders as My Wil en so is ook sy weë steeds
nie die van My nie. Maar My Liefde besit hy altyd en maar net My Wil sal
hom red, My Wil sal hom wen vir My en sal daarom ook steeds die mens so
lei, soos wat dit goed is vir hom; maar sy wil word ook nie deur My Wil
gedwing nie, want dit is en bly vry, omdat die mens volledig vry moet kies
vir sy Vader van die Ewigheid. Amen
Die Christusprobleem - Drie-Eenheid
7001 24 Desember 1957
Alle engele het hulself diep neergebuig voor Jesus, wat neergedaal het na
die aarde. Want daarmee het hulle geweet dat ‘n verlossingsdaad begin is
vir die gevalle geestelike, omdat die oneindige Liefde van God Sy skepsels,
wat in die diepte vertoef het, self te hulp gekom het. Die geestelike wat by
God in die ligwêreld gebly het, was vol liefde vir die gevallenes en net so
het hulle aan Jesus hul diepste liefde bewys en hierdie liefde het steeds
vuriger geword hoe meer hulle verstaan het watter werk van
barmhartigheid vir die gevallenes volbring sou word. Want hulle het geweet
van die diep kloof wat oorbrug moes word, sodat die gevallenes weer
opgehef kon kom.
En een Siel, een oergeskape engelgees, het Homself aangebied om hierdie
brug te bou. Hy bied Homself vir God aan om as die ewige Liefde
genoegdoening te verskaf vir Sy gevalle broers, vir hulle eens begane
misdryf teen Hom. Die liefde van hierdie Siel vir Sy broers (en susters) wat
in die diepte vertoef het, was so groot dat Hy gepoog het om hulle weer
saam te verenig en die Liefde wat Hom besiel het, was God self. En toe
hierdie Siel van die Lig Homself op aarde beliggaam het in die kindjie Jesus,
het die ewige Liefde dus Self afgedaal na die aarde toe en het God dus
"mens" geword. En daarom moes die menslike omhulsel Homself deur Sy
weg op die aarde vergeestelik, Hy moes, te midde van ‘n duistere
omgewing, Sy lig laat skyn wat in Hom straal en moes Homself deur ‘n
lewe in liefde volledig met strale laat deurdring deur die ewige Liefde. En
dus vind die vergoddeliking daardeur plaas sodat alles by die mens Jesus
tot liefde word en dus word God "Jesus".
Die menswording van God in Jesus kan nie anders duidelik gemaak word
as dat Hy Self as die ewige Godheid, die Liefde, in die mens Jesus
gemanifesteer het, omdat Hy, as na die aarde neergedaalde Ligsiel, Sy
menslike omhulsel deur die liefde so gevorm het dat God hierin woning kon
neem, wat by ‘n liefdelose sondige mens nie moontlik sou gewees het nie.
En so is die eenwording van God en Jesus eweneens net so te verstaan as
die volledige vergoddeliking van die mens Jesus deur die liefde.
56