DEEL 3 - Nuweopenbaring::: Welkom by Die Nuwe Openbaring

verander, as hy nie tenvolle hardnekkig is nie, in welke geval sy blindheid
‘n baie lang tyd kan duur voor die skemerte sal plek maak vir ‘n klein
skynsel van lig. En omdat slegs liefdevolle gedagtes hierdie hulp kan
voorsien, moet baie kragtige voorbidding aan die siel gegee word, hy moet
nie aan sy lot oorgelaat word wat sy liglose staat oneindig sal verleng nie,
want slegs liefde is in staat om dit te verander, liefde wat sy medemens
aan hom stuur en wat die siel self in sy aardse lewe nie gehad het nie,
maar wat deur God namens so‘n siel aanvaar word.
Maar dit is moontlik vir al julle mense op aarde om baie hulp met julle
liefde te gee en julle moet daarom voortdurend in geestelike kontak met
die siele van oorledenes bly, julle moet hulle telkens weer die Evangelie van
liefde vertel en dat hulle, selfs in die hiernamaals, nog hierdie twee gebooie
moet onderhou, om God bo alles lief te hê en hul naaste soos hulself. Want
dit is die enigste manier hoe hulle kontak met Jesus Christus sal kan kry,
sonder wie dit vir enige siel onmoontlik sal wees om die koninkryk van lig
binne te gaan. Die siele wat nog in skemerte dwaal het nog nie met Jesus
Christus kontak gemaak nie, hulle het nog nie Verlossing gevind nie, wat
die rede vir hul lewe op aarde was, maar hulle moet dit absoluut in die
hiernamaals bereik as hulle nie in die diepte wil af daal nie. Die siele wat
nog in die skemerte dwaal is nog nie in die diepte in gedwing nie, hulle het
nog ‘n geringe geleentheid om hul weg na die koninkryk van lig te vind,
want na ‘n lang tyd van onvrugbaarheid sal ligwesens, wat hulself nie as
sulks sal identifiseer nie, hulle herhaaldelik die ware weg wys wat na Jesus
Christus lei.
En sodat hulle die ligwesens volg en hul verset opgee, sal hulle baie
voorbidding vereis wat julle nie van die siele moet weerhou nie. Hulle sal
julle ewig dankbaar wees as julle liefde hul val in die diepte afwend, as julle
hulle help om hul weg uit die skemerte na die koninkryk van lig te vind,
want julle liefdevolle voorbidding sal hulle agteruitgang verhinder, hulle
siele sal sagter en meer toegeeflik word en hulle sal Verlossing deur Jesus
Christus vind, wat elkeen vergeef as hy hom slegs onthou en hom aanroep.
Amen
Openbaring Hoofstuk 16 vers 18 - Ster
7420 3 Oktober 1959
‘n Geweldige bewing sal die aarde laat skud. Geestelik sowel as aards sal
die wêreld voor ‘n skudding staan, soos die mense nog nooit meegemaak
het vanaf die begin van hierdie tydperk nie. Maar dit is voorspel, want dit is
die inleiding tot die einde wat nie lank daarna sal volg nie. Die tydsduur is
nie meer lank nie en steeds dringender word julle daarop gewys, omdat
julle elke dag nog sal moet benut om julle siele meer volwasse te laat
word, want die tyd vlieg en julle gaan julle einde met rasse skrede
tegemoet.
228