DEEL 3 - Nuweopenbaring::: Welkom by Die Nuwe Openbaring

armhartigheid en vergiffenis verwag en dus julle medemens dieselfde
skenk.
Julle moet by alles wat julle dink en spreek weet dat Ek Self daarvan op
hoogte is en julle moet julle afvra of julle, julleself in My teenwoordigheid
wel reg gedra? Maar My krag staan julle altyd ter beskikking. Julle hoef
maar ‘n smekende gedagte tot My te rig en waarlik, Ek sal julle krag laat
toekom en julle sal oorwinnaar wees. Julle sal die laer geeste in julle tot
kalmte kan bring, hulle sal julle steeds meer met rus laat, hulle sal hulself
matig en hulle hou aan die wens van die siel om te bedaar en self ‘n beroep
doen op die krag vir eie loutering. Want die moontlikheid staan hul vry, om
in julle aardse lewe self volwasse te word en hulself by die siel aan te sluit,
omdat die siel al die volwasse geworde geestelike met hom saamneem na
die ryk hierna, wanneer hy die aardse liggaam moet verlaat.
Die siel self het nog drifte van allerlei aard in hom uit die tyd van voor sy
beliggaming, wat hulle moet verander in die teendeel. En ook die vleeslike
liggaam bring hulle in benouing omdat dit uit lae geestelike substansies
gevorm is. Maar die mens het ook die moontlikheid om verlossend op al die
onreine geestelike in te werk, wanneer hy alle slegte eienskappe wat hy in
hom het probeer omkeer in die teendeel, tot hy self deemoedig,
sagmoedig, vredeliewend, barmhartig en regverdig is tot hy self liefde
geword het, wat al die deugde insluit en die mens geheel volwasse kan
ingaan in die geesteryk.
Ondersoek julle daarom ernstig aan welke deugde julle nog makeer.
Ondersoek of julle die verandering van julle wese al heeltemal tot stand
gebring het. Ondersoek waaraan julle nog makeer en werk ernstig aan
julleself. En julle sal heel seker sukses kan bereik wanneer julle maar
ernstig wil en My om die toestuur van krag vra, omdat julle alleen te swak
is. Roep tot My in Jesus dat Ek julle wil mag versterk, dat julle die swakte
van wil verloor, dat Ek julle vergeef waar julle sondig en waarlik, My
bystand staan vir julle vas. Want Ek wil dat julle siele volwasse word en Ek
het waarlik My vreugde aan diegene wat dit ernstig neem met die
omvorming van hul wese tot liefde.
Want sodra die liefde julle vervul, sal ook alle lae geestelike substansies in
julle vergeestelik word, omdat hulle die krag van die liefde nie kan
weerstaan nie. Waar egter die onvolwasse geeste nog aan die werk is, daar
is die liefde nog nie groot genoeg nie, oftewel: Ek Self kan nog nie in alle
volheid in julle werksaam wees nie en julle sal moet stry sodat julle rein
kan word en Ek My intrek by julle kan neem. En dan is julle ook in julleself
verlossend besig gewees. Amen
500