DEEL 3 - Nuweopenbaring::: Welkom by Die Nuwe Openbaring

Die tyd tot die einde sal vir julle soos ‘n droom voel, so snel sal dit verby
gaan. Dikwels wel beangst maar dan ook weer misterieus, omdat ‘n skare
van ligvolle geesteswesens julle sal behoed en so sal lei, dat dit steeds
draaglik vir julle sal wees. Maar tog is groot versigtigheid nodig, want My
teenstander is vol duiwelse gesindheid omdat hy seker weet dat dit na die
einde loop. En wat julle nie vir moontlik sal hou nie, sal nog gebeur deur sy
invloed. Want hy het baie gewillige mense in die wêreld wat hom van diens
is en wat deur sy aanhitsing teen julle sal optree.
Vrees egter nie diegene wat wel julle liggaam, maar nie julle siele kan dood
nie. Vrees nie die gevaar nie, want Ek is by julle en verseker julle My
beskerming. En wat daar ook al sal gebeur, julle sal dit kan dra omdat Ek
julle die krag daartoe gee. Ek sal alles so bestuur dat julle nie te seer
gekwes word nie en julle kan in die stryd teen hom volhard en as
oorwinnaars te voorskyn kom.
Maar dit sal ‘n stryd bly, dit voorspel Ek julle steeds weer sodat julle, julle
nie van My verwyder nie. Sodat julle, julle steeds by My aansluit en in My
nabyheid onaantasbaar bly vir julle grootste vyand.
Wie hom dus so vas verbind met My dat hy My voortdurende nabyheid voel
die hoef niks te vrees nie, want hy is dan steeds superieur deur die krag
wat hy geleidelik van My ontvang.
Die tyd loop ten einde en steeds vinniger sal die dae verby vlieg, wat julle
ook duidelik kan opmerk. Maar in die geval weet julle ook dat julle behoort
tot Myne, vir wie Ek die dae sal verkort. Laat julle daarom steeds dikwels
aanspreek deur My en word nie traag en lou in julle arbeid vir My en My ryk
nie, want julle kan nog baie krag put uit hierdie arbeid. En soos julle uitdeel
so sal julle ook ontvang. Want dit is nodig om nog baie geestelike voedsel
(My woord) uit te deel, sodat die krag van My woord kan stroom na almal
wat hierdie voedsel begeer en My woord wil aanneem.
Daarom moet die arbeiders in My wingerd op die aarde nog vasberade
werk. Julle moet weet dat daar nie baie tyd meer is nie en daarom die
woorde in erns neem: “Ek sal die dae verkort terwille van die
uitverkorenes” want vinniger as wat julle dink het die einde gekom. En vir
hierdie moeilike tyd moet julle, julleself nou alreeds bewapen en julle aan
My en My beskerming oorgee. Want die einde sal kom “soos ‘n dief in die
nag” en wie Ek wakend vind sal Ek wegneem uit die gebied van Satan (die
aarde) en alle leed sal dan vir hom ten einde wees. Amen
Die gebod van die liefde tot God en die naaste
7234 20 Desember 1958
Van My uit is julle alleen die gebod van die liefde tot God en die naaste
gegee, want soos julle die gebod vervul, verval alle ander gebooie wat hulle
alleen maar teen blyke van liefdeloosheid rig. Daarom kan wel met reg
gesê word, dat die gebooie wat Ek lank gelede aan Moses gegee het,
156