DEEL 3 - Nuweopenbaring::: Welkom by Die Nuwe Openbaring

het krag daarvoor nodig. Julle het nou eenmaal ‘n wil nodig wat sterker
gemaak is en dan ook toevoer van krag om julle wil in dade om te sit.
Hierdie wil moet julle op My rig en hom aan Myne onderwerp, wat beteken
om volgens My Wil te lewe. En My Wil is om julle in te voeg in die wet van
die Goddelike orde, dws. in die liefde te lewe.
Julle toestand tydens julle beliggaming as mens is egter geen toestand van
krag en lig nie. Julle is swakke skepsels wat nog in die duisternis van gees
ronddwaal, wat nie op hoogte is van hul oorspronklike staat nie, van hul
verhouding tot My en van die sin en die doel van die aardse lewe nie. En
nooit sou julle, julleself uit hierdie gebrekkige toestand kan verhef en
omhoog gaan nie, nooit sou julle die oorspronklike staat weer ontvang as
Ek julle nie van krag sou voorsien wat julle deur die verlossingswerk van
Jesus ryklik tot beskikking staan.
Ek Self het in die mens Jesus vir julle gesterf om julle te help, om julle
kragteloosheid op te hef, om julle die weg na My te verlig en julle oor alle
hindernisse heen te lei, wanneer julle dit self wil. En as julle dit wil, hoef
julle alleen die genade van die verlossingswerk te gebruik, julle hoef alleen
maar tot My in Jesus te bid om versterking van julle wil, om hulp, om alle
middele waardeur julle ten hoë kan kom. En waarlik, Ek sal julle gebed
verhoor. Elke versoek wat julle tot Jesus Christus rig tot heil vir julle siele,
sal vervul word en geen mens kan verlore gaan wat hom in geloof aan die
verlossingswerk aan Hom toevertrou nie, Hom om vergewing van sy skuld
vra en om ondersteuning sodat hy die doel sal bereik, om vry te word uit
die vorm, wat ‘n gevolg van die sondeval van weleer is, die afval van My.
Elke versoek van die aard word verhoor want nou erken julle Myself weer in
Jesus Christus, My, Wie julle eens nie wou erken en waardeur julle in die
diepte gestort het.
Maar julle sal die werk van julle verlossing nie self kan volbring nie, julle sal
nooit die krag hê om julle van My teenstander los te maak nie, julle sal
ewig in sy mag bly as die Een julle nie help, Wie vir julle Sy Bloed vergiet
het, as julle nie die weg neem na Hom en daardeur ook na My, Wie julle
waarlik sal verlos uit sy mag. Amen
Die laaste woorde van Jesus aan die kruis
7764 4 Desember 1960
Ek wil altyd aan julle gee wat julle begeer. Julle moet slegs aandag neem
van julle innerlike stem en dit sal julle in waarheid onderrig word, omdat Ek
wil dat julle in waarheid lewe en ‘n duidelike insig kry: My kruisiging het
Verlossing aan julle mense gebring, dit het julle van julle sondeskuld van
die verlede verlos. As die mens Jesus het Ek geweldige pyn op My geneem
en ‘n bittere dood was My lot. Nietemin, omdat Ek as God nie kon ly nie
neem Ek verblyf in ‘n menslike omhulsel wat kon ly en wat ook die wil
gehad het om namens Sy medemens te ly om aan My geregtigheid te
367