DEEL 3 - Nuweopenbaring::: Welkom by Die Nuwe Openbaring

as julle Huisvader sal kan kom en Ek waarlik alle sorge van julle sal
afneem. Julle kan glo dat Ek vir julle die sorge oorneem, solank julle in My
diens is, solank julle, julleself oor die arbeid vir My en My Ryk bekommer:
En daarom sal julle al die sorge, wat julle nog aards terneerdruk moet laat
vaar, want Ek wil dat julle insien dat julle ‘n Vader het, Wie julle liefhet; dat
julle ‘n goeie Meester het, Wie deur julle gedien word, dat Ek oor julle
waak, omdat julle My dien en dat Ek julle arbeid vir My en My Ryk seën.
Amen
Word 'kinders' van God
7907 1 Junie 1961
Ewig neem Ek My Liefde nie meer van julle weg en of julle, julleself ook ver
hou in vrye wil, eens sal julle weer na My terugkeer, omdat My Liefde julle
nie opgee nie.
En Ek sal julle ook steeds blyke van My Liefde gee, Ek sal julle begelei en
vir julle sorg wanneer julle as mens oor die aarde gaan, omdat Ek ook julle
liefde wil wen, wat julle weer met My verbind soos in die allereerste begin.
Dus nooit mag julle aan My Liefde twyfel nie, julle liefde egter bepaal die
graad van die nader kom tot My, van julle liefde alleen hang dit af, of en
wanneer die aaneensluiting met My plaasvind.
En julle liefde toon julle My deur die graad van naasteliefde, wat julle
steeds moet vergroot as julle volmaak wil word. En hiervoor word vereis,
dat julle die eieliefde volledig aflê, dat julle daar na streef om in die liefde
tot die naaste op te gaan, dat julle onselfsugtig die naaste behulpsaam is.
Dan kom julle steeds nader aan My, want met elke werk van liefde trek
julle My tot julle met elke werk van liefde klim julle hoërop, julle bring dan
die verbinding met My tot stand, met My die ewige Liefde en Ek Self kan
nou in julle wees, My Liefde kan julle weer deurstraal soos vroeër, julle het
dan My kinders geword en sal dit nou ook bly tot in alle ewigheid. En dit is
julle bestemming gedurende julle aardse lewe, dat julle, julleself tot kinders
vorm, julle wat eens as 'skepsele' van My uitgegaan het. En daar julle die
weg deur die diepte gegaan het en totaal sonder enige liefde was deur julle
vroeëre afval van My, is dit ‘n moeilike doel om julleself weer in vrye wil tot
liefde te vorm.
Daar is dus ‘n sterk wil nodig wat in dade omgesit moet word. Die krag
daartoe moet dus steeds weer deur liefde verkry word, of deur innig gebed
van My gevra word. Alleen liefdesbetuiginge teenoor My is dus nie
voldoende nie, maar dade van liefde is nodig om tot die krag te kom, wat
dan egter ook ‘n gestadig nader na My toe kom tot gevolg het.
As ‘n mens self sy hart open in vrye wil om hom deur My met die krag van
My Liefde te laat aanstraal, sal ook sy hart steeds meer tot liefde bereid
wees en die mens sal ook eenmaal sy doel bereik: hy sal die kindskap van
God verwerf, as sy lewe ‘n ononderbroke werk in liefde is in volledige
422