DEEL 3 - Nuweopenbaring::: Welkom by Die Nuwe Openbaring

Kennis oor die Wese van God is nodig
8125 14 Maart 1962
Groot is die Mag van Hom Wie julle geskape het. Eindeloos is Sy Liefde en
Sy Wysheid is nie te oortref nie. Dink steeds aan Hom en stel julleself met
Hom in verbinding, sodat julle steeds julle gedagtes na My opstuur, Wie
baie verlang na julle terugkeer en waarlik ook My Mag, Liefde en Wysheid
werksaam laat wees om vir julle hierdie terugkeer moontlik te maak.
Wanneer julle, julle God en Skepper as ‘n hoogs volmaakte Wese voorstel,
wanneer julle oortuig daaraan sou kan glo dat die hoogs volmaakte Wese
julle Vader wil wees, dan sal julle ook julle innerlike teenstand opgee, wat
julle eindelose lang tye van My geskei hou, julle sal probeer om die ware
verhouding tot My tot stand te bring, die verhouding van ‘n kind tot die
Vader en julle sal as swakke kindertjies My beskerming en My hulp vir julle
afbid wanneer julle in nood is. Julle sal egter ook liefde vir My voel, julle sal
vertroulik tot julle Vader kom en julle dus ook aan My oorgee en dan sal
julle My ook nie meer wil opgee nie, omdat Ek Self julle nou vashou, omdat
die verbintenis van My liefde julle nou omstrengel, wat julle ook nie weer
los sal maak nie. Maar daartoe is die kennis oor My hoogs volmaakte Wese
nodig.
Julle moet My leer liefhê en daarom moet julle reeds weet dat Ek Self die
liefde is, julle moet My nie vrees as ‘n straffende God nie, inteendeel as ‘n
toegedane Vader, Wie vir julle sorg en lief is. Dan eers kom julle in die
ware verhouding tot My te staan, julle skenk julle vrywillig aan My en julle
het die terugkeer voltrek, wat die sin en doel is van julle gang oor die
aarde. En daarom probeer Ek julle steeds weer blyke te gee van My Mag,
My liefde en My Wysheid.
As julle in nood raak dan lei Ek julle daar uit, omdat daar vir My niks
bestaan wat vir My onmoontlik is om tot stand te bring nie. En Ek laat julle
ook onophoudelik blyke van My liefde toekom deurdat Ek julle ook vreugde
berei, wat julle as geskenke van My moet beskou. Altyd kan julle, julleself
in My hoede veilig voel, want Ek sien waarlik wat julle nodig het, geestelik
en liggaamlik en dit gee Ek julle ook sodra julle, julleself aan My oorgegee
het, sodra julle die verbintenis met My tot stand bring deur innige
gedagtes, deur gebed en deur werke van liefde.
En julle sal dan voortdurend blyke van My liefde, Wysheid en Mag mag
ondervind, omdat Ek daardeur julle liefde wil wen, omdat Ek in julle die
verlange na die vereniging met My wil wek, sodat ook die doel van julle
lewe vervul is, sodra julle die innige verbintenis met My tot stand bring,
sodra julle, julleself as kinders aan die Vader gee en heeltemal in Sy Wil
opgaan. Dan sal julle ook nie meer in geestelike duisternis voortgaan nie,
julle sal deur Myself met die lig van My liefde deurstraal word, Ek sal vanuit
die innige verbintenis met julle kan spreek en julle liefde sal steeds meer
ontbrand en daar sal geen duisternis meer in julle hart wees nie. Sodra
531