DEEL 3 - Nuweopenbaring::: Welkom by Die Nuwe Openbaring

Dit is dus die stryd tussen lig en duisternis wat die mens self sal moet
beslis, wat ewenwel sonder die vrye wil van die mens nie denkbaar sou
gewees het nie. Want anders sou die stryd slegs tussen die positiewe en die
negatiewe kragte gevoer word, waaruit dan ‘n krag as oorwinnaar
tevoorskyn sou kom. Maar so is die stryd tussen "lig en duisternis”, nie te
verstaan nie, want dit gaan oor die siel van die mens en hy beslis oor
homself in vrye wil.
Daarom is die aardse lewe vir die mens ‘n ononderbroke aaneenskakeling
van gebeurtenisse, van ervaringe en indrukke wat hom tot nadenke
aanspoor en hom ook in die goeie rigting kan laat dink.
Maar omdat ook aan God se teenstander die reg gegee is om vir die siel te
veg, word sy gedagtes ook negatief beïnvloed en moet hy ‘n beslissing
neem. En die sterkte van weerstand teen God is beslissend vir die lot van
die siel na sy liggaamlike dood, ‘n lot wat buitengewoon salig, maar ook ‘n
buitengewone kwelling kan wees.
Maar hoe sy wil homself ook al rig, die liefde van God gee nooit ‘n siel op
nie. En bereik hy sy bestemming nie in die aardse lewe nie, dan vertraag
hy wel sy verlossing ‘n eindelose lang tyd, maar eenmaal sal sy wil reg
beslis. Want die liefde van God is ‘n krag waarteen die siel homself nie vir
ewig kan verset nie. Amen
Die siele in die hiernamaals moet gewys word op
Jesus Christus
7839 22 Maart 1961
Wie My in die ryk hierna bely die is ook vir alle ewigheid gered. Want as die
siele wat nog in duisternis of in die skemering bly hulle nie meer verset
teen My naam nie, as hul deur ligboodskappers van My en My verlossings
werk vertel word, wyk ook die duisternis van hulle. Die krag van My naam
sal op hulle inwerk en hulle tot My dryf. Hulle sal My gaan soek en Ek sal
My ook laat vind.
Maar die wil van die siele is en bly vry. En daarom kan daar ook ‘n lang tyd
verby gaan voordat hulle My aanneem, voordat die krag van die voorspraak
deur mense werksaam word, of die ligboodskappers wat hulle vergesèl
sonder om herken te word sukses het en hul My evangelie kan bring.
Maar die inspanning vir hierdie siele word nie op gegee nie en dit is daarom
tot groot seën as siele opsetlik geroep word, waar geestelike gesprekke
plaasvind. Waar van die verlossings werk melding gemaak word, omdat ook
hierdie siele steeds weer op Jesus Christus gewys word, sodat hulle
vrywillig die weg neem tot My en My om vergewing van hul skuld smeek.
Want solank hulle nog onsalig is, is ook hulle skuld nog nie vergewe nie. En
hul onsaligheid kan hulle aanspoor om ‘n verbetering in hul toestand na te
strewe en na te dink oor hulself, oor hul lewe op die aarde en hul
verhouding tot My hulle God en Skepper van ewigheid.
398