DEEL 3 - Nuweopenbaring::: Welkom by Die Nuwe Openbaring

Maar die innerlike oortuiging ontbreek hom en dit laat hom ook onverskillig
in sy lewenswandel, wat gerig moet wees op die volgende lewe in die
geesteryk.
Maar steeds weer word die mens gekonfronteer met wederwaardighede wat
sy denke moet en kan rig op die einde, wat seker vir hom is en dit tog geen
einde beteken vir sy siel nie. En steeds weer sal hom ook onderrigting
toekom in die vorm van gesprekke of geskrifte wat hy in vrye wil kan
aanneem of afwys. En ook die verlies van aardse goedere kan die mens tot
nadenke stem, sodat hy hom afvra of die besit daarvan die eintlike sin van
die bestaan op aarde is. En dan is daar ‘n moontlikheid, dat sy denke
verander; dan is dit moontlik dat hy ‘n lewe na die dood nie uitsluit nie en
nou sy lewensweg bewus gaan, omdat hy voel dat hy hom eenmaal
daarvoor moet verantwoord. En dan sal ook die sekerheid steeds sterker
word in hom, dat sy bestaan nie verby is met die dood van sy liggaam nie,
want waar die geringste wil aanwesig is om sinvol op aarde te lewe, word
die mens ook gehelp en hy sal nie verlore gaan nie. Amen
Gods geregtigheid – Strafgerig - Verlossingswerk
8062 13 Desember 1961
Ek is ‘n goeie en regverdige God. My Liefde behoort julle My skepsele, altyd
en ewig toe. En tog kan Ek vanuit My Liefde geen onreg goedkeur nie. Ek
kan julle nie met My Liefde gelukkig maak, as julle sondig geword het nie,
dit beteken egter nie dat Ek julle vir julle sonde straf nie, maar julleself
neem deur julle sonde ‘n onsalige toestand op julle, julle kom op ‘n afstand
van My en dit beteken armsaligheid, want My Liefde kan julle nie aanraak
nie, omdat julleself deur die sonde afstand skep en Ek nie teen My ewige
orde in, invloed kan uitoefen op julle nie. En daarom vereis elke sonde
volgens My wet van orde boete, sodat aan My geregtigheid genoegdoening
verskaf word, sodat julle My weer sal kan nader om My Liefde te ontvang.
My Wese is Liefde en Barmhartigheid en daarom is Ek ook uitermate
lankmoedig. Tog kan My geregtigheid nie uitgeskakel word nie omdat ook
hierdie tot My Wese hoort, wat bomate volmaak is. En so moet Ek dus ook
straf gerig oor julle laat kom, wat julle egter steeds self veroorsaak, omdat
julle weer tot geordendheid sal moet kom om salig te word en omdat
boetedoening daarvoor nodig is. Toestande wat steeds alleen maar die
uitwerking is van ‘n verkeerde wil van die mens, dus gevolge van die
sonde, wat Ek toelaat sodat die sonde van hul skuld ontdaan word en julle
mense weer ‘n toestand binnegaan wat My vir julle nader bring en julle dan
ook weer deur My Liefde gelukkig gemaak sal word. So’n straf gerig is slegs
opvoedingsmiddele, dit is middele wat julle weer na My moet terugbring,
maar nooit is dit blyke of uitdrukkinge van My toorn nie. Want Ek koester
geen toorn nie omdat Ek Liefde is, maar My regverdigheid bring My daartoe
om julleself die gevolge van julle sonde te laat voel om julle te verander.
498