DEEL 3 - Nuweopenbaring::: Welkom by Die Nuwe Openbaring

om by My te wees, ook self liefde word, wat die vereniging van die kind
met die Vader bewerkstellig.
En sodra julle dus aan julle medemens Myself, hul God en Skepper, as
liefdevolste Vader voorstel, wat alleen maar daarna verlang om saam met
Sy kinders te wees, soos dit was in die allereerste begin, sodra julle dus My
as ‘n God van Liefde voorstel, sal ook die groot vrees vir My verdwyn, die
mense sal hul vol vertrou tot My wend wanneer hulle in nood is. Hulle sal
My hulp ervaar en dan probeer om steeds nader aan My te kom, want dan
neem ook My Liefde hulle en trek hulle sag, maar geleidelik omhoog.
En eens sal dan ook die vereniging plaasvind, want sodra die mens
eenmaal My Liefde bemerk het, maak hy hom ook nie meer van My los nie,
maar streef steeds yweriger na vereniging met My en die verre verwydering
is dan vir goed opgehef. Die mens sien dan nie meer in My alleen sy God en
Skepper nie, maar sy Vader na Wie hy nou wil gaan en bereik dan ook
seker sy doel. Amen
Uit die vuur van die liefde straal die lig van wysheid
7650 18 Julie 1960
Slegs die liefde is die sleutel tot wysheid en dit sal moeilik wees om die
dwaling te skei van die waarheid vir diegene wat die liefde nie het nie, want
hy self bevind hom buite die waarheid en hy kan dit nie herken nie. Dit sal
egter weer moontlik wees om tot die waarheid te kom, wanneer die wil
daartoe opreg is en wanneer die mens op hoogte is van die uitwerking van
die liefde. Die liefde is die lig self en ‘n hart wat gewillig is om lief te hê,
word deur die innerlike lig verlig, want die liefde wek die gees tot lewe,
omdat hy ‘n deeltjie is van die Vader Gees van ewigheid en ook alle
wysheid in hom dra en hierdie nou die mens van binne kan oordra. Die
vuur van die liefde straal die lig van die wysheid uit.
As julle hierdie diepe waarheid tog sou kan begryp: dat daar geen kennis
volgens die waarheid dus wysheid kan bestaan, as die liefde in die hart van
die mens nie ontbrand het nie. Want alleen waar liefde is, kan die mens
indring in die diepste diepte van die Goddelike Wysheid en dan sal hy ook
die kennis van sy medemens ver oortref, omdat hy, wanneer hy die liefde
in hom het God Self in hom dra en nou deur Hom ingelei kan word in alle
waarheid.
Die mens moet altyd daarvan bewus bly dat hy in homself alle waarheid
dra, dat hy in sy oertoestand hom in die helderste lig bevind het en dus ten
volle insig gehad het en dat die lig alleen maar bedek word deur sy
sondeval, maar te alle tye weer die oppervlakte kan bereik, wanneer hy vry
is van sy sondeskuld, wanneer hy verlos is deur Jesus Christus en nou deur
‘n lewe in liefde die gees in hom laat ontwaak het. En dan sal hy ook
dwaling van waarheid kan onderskei. Hy sal ‘n wyse oordeel kan vel, as
daar geskilpunte is wat geestelik kennis betref. En na hierdie moet
324