DEEL 3 - Nuweopenbaring::: Welkom by Die Nuwe Openbaring

Aardse Kennis is geen Wysheid nie
6931 30 September 1957
Al dink julle dat julle wys is, is julle dit nie solank Ek My lig, wat julle gees
verlig, nie in julle kan laat binnestraal nie: Want wat julle dan as kennis
aansien sal julle nie gelukkig maak nie, selfs al het julle dit as die waarheid
benader: Want dit is slegs aardse kennis, ‘n kennis wat oor al dit handel
wat julle vir die aardse lewe wetenswaardig voorkom. En sou julle môre
reeds julle liggaamlike lewe moet opgee, dan sou ook hierdie kennis vir
julle verlore wees as julle geen geestelike vooruitgang sou kan aantoon
nie: Die wysheid egter kan julle nie besit as julle nie geestelik daarna streef
nie.
Wysheid is die insig van die kennis wat onverganklik is, wat slegs van My
uitgaan en na hom toe stroom wat innig daarna verlang: Julle heg egter
altyd slegs waarde aan resultate van die denke en julle ontken alle waarde
van geestelik verkreë resultate: Julle bewys daarmee dat dit nog erg
donker in julle is, dat daar in julle nog geen lig straal nie, dat julle in ‘n
betreurenswaardige toestand voortleef omdat die tyd wat julle tot nou toe
op aarde geleef het, nutteloos was.
Julle jaag waardelose goedere na as julle julself tevrede stel met die kennis
wat julle tot nou toe verwerf het, wat uitsluitend antwoorde gee op aardse
vrae, wat probleme oplos wat geestelik gesien waardeloos is: Julle bereik
nie die doel van julle aardse lewe nie, wat slegs daarin bestaan om die
geestelike duisternis, waarin julle siele hulself bevind, te verander, om julle
omhulsels, wat die indringing van My lig verhinder, op te los.
Julle mense besef nie eens julle aardse lewensdoel nie. Julle ken nie die
eintlike opdrag wat aan julle gestel is nie, maar julle glo julle is wys as julle
kennis besit wat slegs aards georiënteerd is, as julle oor ‘n skerp verstand
beskik en die goddelike geskenk slegs te benut om ‘n suiwer wêreldse
rigting te ondersoek en te pieker. Julle kan op aarde tot hoë aansien kom,
julle kan ook iets groots bereik in verhouding tot julle medemens, maar
julle kan julleself nie wys noem nie, want julle sal kragtens julle verstand
niks kan deurgrond wat buite die bereik is waarin julle as mens leef nie. En
aan die einde van julle lewe sal julle moet beken dat julle niks geweet het
nie, as julle bewustelik julle einde sien nader, wanneer julle daar vlak voor
staan om deur die poort van die ewigheid te gaan en julle oor die sukses
van julle aardse lewe nadink. Dan sal die selfversekerdheid wat julle gehad
het, julle verlaat, dan sal julle vermoedelik ook van die nutteloosheid van al
julle moeite bewus word en julle sal dankbaar wees vir ‘n flou ligskynsel
wat julle nog sou kan verkry oor die eintlike lewensdoel as mens.
Word julle wat dink julle is wys, nou tydens julle aardse lewe ‘n lig
aangebied, dan versmaad julle dit uit arrogansie, want as julle onder die
indruk van ‘n skynlig is, bespeur julle nie die sagte skynsel wat tog in julle
hart wil binnedring nie, terwyl die skynlig, dit wil sê julle verstandelike
23