DEEL 3 - Nuweopenbaring::: Welkom by Die Nuwe Openbaring

epaal die graad van pyn en waarlik, My liefde spreek ‘n woord saam en
gee die mens nie meer om te dra as wat hy in staat is en wat nodig is vir sy
siel nie. Daarom kon Ek vol oortuiging sê: "Dood, waar is jou angel, hel
waar is jou oorwinning?". Want Ek het oorwinnaar gebly oor hom wat die
dood in die wêreld gebring het en Ek sal myne waarlik laat deel hê aan die
oorwinning wat Ek beveg het teen die vors van die duisternis. Ek sal
diegene ‘n salige afskeidsuur skenk wat My aanhang en trou gebly het, ook
in tye van stryd en nood, want Ek gee hulle ook die krag om vol te hou en
hulle trou aan My te bewys.
En dit is op aarde die grootste sege: Om My in ‘n vaste geloof aan te hang
tot aan die einde en hierdie geloof sal julle liefde julle skenk, waaruit slegs
‘n lewende geloof sal voorkom. Vrees daarom nie die uur van die dood nie,
julle wat julle bes doen om in die liefde te lewe, want dit sal vir julle slegs
die ingaan in ‘n ander wêreld beteken en julle sal die aarde graag verlaat
en sy domein graag inruil vir die ryk van lig en geluksaligheid. Julle sal
heengaan in vrede en harmonie van die siel, julle sal nie deur duisternis
hoef te gaan nie, maar in 'n liggewaad mag ingaan in die ryk wat Myne is
en alle heerlikheid beleef, wat julle nooit tevore aanskou en beleef het nie.
Want as julle Jesus Christus gevind het, sal Hy julleself lei in Sy ryk in, in
die ryk wat nie van hierdie wêreld is nie. Amen
Die lot van die siel na die dood van die liggaam
7490 30 Desember 1959
Na julle dood betree julle ‘n heel ander wêreld as wat hierdie aarde is. Maar
julleself het op aarde die moontlikheid om daardie wêreld vir julleself te
vorm, sodat julle daar gelukkig kan wees en dit nie sal verruil vir die lewe
op hierdie aarde nie. want julle kan vir julleself ‘n ryk van lig en saligheid
skep, as julle lewenswandel op aarde daarmee in ooreenstemming is.
As julle ywerig aan julle siele arbei en julle skatte versamel vir die
geesteryk, sal die wêreld wat julle betree vir julle waarlik ‘n ryk van
saligheid wees.
Julle sal nie kan ophou om te jubel en julle te verwonder nie en nooitmeer
sou julle na die aarde wil terugkeer nie, as dit ooit moontlik sou wees. Julle
skep dus self die wêreld waarheen julle gaan na julle liggaamlike dood,
daarom moet julle bewus van julle verantwoording ook op hierdie aarde
lewe. Want julle kan net so goed ‘n ryk binne gaan wat duister of woes is,
waarin julle ongelukkig voel maar dit nie kan verlaat nie, omdat dit die ryk
is wat julle vrye wil nagestreef het toe julle op die aarde geleef het. Dit was
egter julle eie keuse, dit was julle eie wil, want julle lewenswandel op aarde
was so dat dit julle geen ander lot in die geesteryk kon besorg as ellende
en gebondenheid in duisternis en swakheid nie. In elke geval betree julle ‘n
ander wêreld, ‘n ryk wat geestelik is, waar julle alle aardse goed verloor,
waar julle alleen dit kry wat julle geestelik op aarde verwerf het. En daarom
253